بنات الشرقية... أحذرن من هذه الخطابة

السلام عليكم ورحمة الله وبركاته

في خطابة اسمها ( أم ريان ) وتقول إن اسمها الحقيقي ( أم حسين ) والله أعلم أن كان لها اسم ثالث المهم أنها سمراء جداً كبيرة عمرها في نهاية الأربعينات أو أكثر ساكنه بالدمام وتوها ناقلة بيت جديد توزع كروتها في المعارض والمناسبات الإجتماعية إلى فيها تجمعات نسائية ومكتوب في الكرت أنها توفر زفات إسلامية..
وبتطلب منك مقدم ألفين ريال وبتجي تعاينك وتقبض!!!

هذي كل العلامات أللي بتساعدك تعرفيها..

الهم.. الله لا يحللها ولا يسامحها.. أنا ظروفي أضطرتني أتعامل معاها علشان أحاول ألحق نفسي ولا تفوتني الفرص أكثر من كذا ...

أللي صار أني أخذت كرتها وكلمتها الوالده أول شئ قالت: أنا آخذ مقدم 2000 ريال وبعد ما يتم كل شئ آخذ 5000 ريال
بس لااااا تكشتون فيني ترا كثير ناس لعبو علي .. لا حظوا بس التمسكن!!!

وقالت يله وينكم فيه بجيكم الحين!!!! ومن بكره جات وأستلمت الألفين .. وقامت تسرد قصصها وسيرتها المهنية ونجاحاتها الخطيرة في تزويج كل بنات وشباب الشرقية ..وشيوخ الشرقية.. وتشوف أللي تبين وقول لك بسسسسسسسسس تراه عندي الشاب كذا وكذا بس خلوني أكلم أهله وأبشرهم أني لقيت أحسن من طلبهم وبنسق معاكم .. بس هاه لا تلعبون علي وتملكون ما تعطوني حقي وعرس أختي بعد بكره أيش رأيكم أرسل لك كروت وأعزم أهله علشان يشوفونك ... لاحظو الخبث كيييييييف !!؟؟

المهم والمسكينه أمي تتصل عليها وشوي شوي تصرفها مره بالسوق مره كلمت أمه ماحصلتها مره أمه مسافره
لين وصلت مرحلة ما ترد علينا ... بعدين تعطينا مشغلول.. بعدين إذا كلمناها من جوال ثاني إذا سمعت صوت أمي سكرت...

كل هذا مو مهم عندنا إحنا الحمد لله ماتشكل عندنا الألفين اللي خذتهم فرق .. بس إحنا تعاملنا بحسن نية وجديدين على مواضيع الخطابات وما ندري إن فيه ناس كذا .. كيف ترضى على نفسها توكل عيالها من مال حرام وأكيد شرت بيتها من فلوسنا وفلوس غيرنا..

أنا بس حبيت أكتب الموضوع هذا علشان البنات أللي سألوني عن أرقام الخطابه وأعطيتهم وأنا فرمت جهازي يعني ما أقدر أرسل لك وحده وأتسامح منها .. وبرضه علشان الباقين ينتبهون .. إذا قالت لك أي خطابة أنا آخذ مقدم خلاص لا تكملين معاها أنتبهى .. أللي تقول آخذ بعد ما تملكون أو أساعدك لوجه الله هذي إن شاء الله فيها خير ..

بالنهاية ... إللي بتقول وش تبين أصلا بالخطابات أقولها: أن ولله الحمد جميلة جامعية موظفة من أسره معرفوه بس عندنا عزله عائلية ومافيه شباب عندنا وأكيد فيه كثير زيي لأنه بالنهاية نصيب وهذا أللي الله كاتبة بس برضة إسعى ياعبد وأنا أسعى معاك وما فيها شئ نستعين بعوامل خارجية مساعده بالإضافة أكيد للصلاة والدعاء..

وأنا ما أدري إذا كان هنا المكان الصحيح للموضوع أم أنه بيحذف بس بليز يامشرفات خلوه كم يوم علشان أبري ذمتى


تقبلوا تحياتي ..