بنات الشرقية الفزعة

رحله سعيده

حبيبتي ان شاءالله أقدر اساعدك بشوية معلومات لأن طلعاتي قليلة و أكثرها مجمعات

بالنسبة للملاهي فيه الحكير على كورنيش الدمام , و فيه ملاهي مجمع الظهران فيها العاب خارج و داخل المجمع ... و فيه التويتاون Toy Town على كورنيش الدمام ... و لازم تروحي الساينتك و هو مركز علمي في الخبر .. أنا ما رحته بس يقولون حلووو خصوصا للأطفال فوق عمر الست سنوات ..

بالنسبة للمجمعات .. أفضل و أكبر شي الراشد و مجمع الظهران , فيهم كل المحلات اذا تبين تتسوقين , أما المجمعات الباقية صغيرة نسبيا و أكثر اللي فيهم موجود في الراشد و الظهران , بس ما يمنع تزوريهم مثل فؤاد سنتر على كورنيش الخبر ... مارينا مول و مجمع الشاطىء على كورنيش الدمام ... و فيه الجمعة سنتر و هذا أكثره فساتين سهرة ..

المطاعم ... البحري : السنبوك في الخبر .... الايطالي : روما في الخبر + بيتزاريا مقهى ايطاليا في الراشد .... الصيني : الخليج الصيني في الراشد .... الهندي : كوبر شندني في الخبر و الدمام .... و فيه مطاعم كثيرة مثل ستيك هاوس و غيره , أما مطاعم الوجبات السريعة و الكوفي شوب موجودة في جميع المجمعات و على امتداد الكورنيشات ...

هذا اللي أذكره ألحين و تقدرين ترجعين للموضوع المثبت "أفضل شي من كل شيء لبنات الشرقية " و راح تستفيدين و خاصة من ناحية المطاعم ... و نتمنى لك رحلة سعيدة في الشرقية ..

مرحبــا اختي ..
يا هلا ومرحبــا فيك .. بتنور الشرقيــه بحضوركم :)
وهذي الاماكن اللي ممكن اساعدك فيها .. و دعواتك لي بالتوفيييييييييق ..
المدينه / الدمام والخبر والظهران
-------------------------------------------
افضل المجمعات /

مجمع الراشد بالخبر ( اشهر مجمع )
مجمع الظهران مول
مجمع الواحة بالدمام
مجمع الخبر بلازا
مجمع الدانه بلازا بالدمام
مجمع الخبر مول
مجمع الشاطئ مول بالدمام
مجمع مارينا مول بالدمام
مجمع فؤاد سنتر بالخبر
مجمع الجمعه ستي سنتر
-----------------
افضل الاماكن العامة /

كورنيش الخبر
كورنيش الدمام
شاطئ نصف القمر
جوانب طريق ابو حدرية الدولي ]]
جوانب طريق المطار ]
منتزه الملك فهد
مدن الالعاب الترفيهية
الشاليهات الموجودة ((( النخيل ، الخليج ، الغروب ، وغيرها من الشاليهات )))
------------
فندق الشيراتون
مطعم ليالينــا بالدمام
مطعم جاوان بالدمام - حي الجامعيين
مطعم دارين بالدمام والخبر للمأكولات البحريه
مطعم البانوش للمأكولات البحريه
بيت التنور بالخبــر يفضل الفرع الجديد اللي جنب ستيك هاااوس
تشيليز بالخبر
ابل بيز بالخبر
فرايديز بالخبر
كاسبر اند غامينيز << اظاهر كذا اسمه :) بالخبــر جنب ابل بيز ..
مطعم الحمرا(أيطالي )
وشهناز(ايراني) في الدمام
فندق هوليدي أن نصف القمر (مكان جميل جدا أذا جيتي تدخلينه تشترين تذاكر اتذكر سعرها 30أو40 ريال للكبار وتقدرين تصرفين هالتذاكر في ألاكل وغيرها .. ومكان حلو مرة تقعدين على جلسة جنبك البحر والبحر صاير كأنه خليج نص دائرة وجنبك بركة وهدوء وحلوو ) وانا سمعت عن أنتركونتينتال الجبيل وهو شاليه ونفس طريقة الهوليدي أن بس اغلى ممكن الكبير ب70
مطعم كورنيش على كورنيش الدمام جنب فان تايم ( صحيح أن الصحون تعبانة والجلسات تعبانة بس أخذي لك طاولة برا وعلى البحر وأكلهم حلووو واجد )
وقهوة ستار بكس الخبر الي صايرة على الكورنيش , ودكتور كيف جنب ستار بكس بعد ..

المطاعم الايطالية
- مطعم روما Rome
شارع الامير فيصل بن فهد (المعروف بشارع البيبسي) قرب اشارة الدسكفري
- مطعم الراووق The Perk
شارع الملك فهد تقاطع 26
- مطعم غابة الزيتون Oliveta
ما أذكر اسم الشارع بالضبط بس اذا انت ماشي على شارع البيبسي باتجاه الكورنيش, لف يمين مع اخر شارع قبل الاشاره راح تلقاه على اليمين
- مطعم مقهى ايطاليا Cafe Italia
مجمع الراشد- الدور الثالث ( و هو الممفضل لدي)
- مطعم حديقة الزيتون Olive Garden
شارع الظهران بجانب مطعم بيت التنور
- جندولا
الخبر، الشارع العاشر، قرب الكورنيش
- المطعم الايطالي
فندق شرفة الخليج، كورنيش الخبر، الدور السابع
- مطعم الاصدقاء Amci
امتداد طريق كورنيش الخبر باتجاه العزيزية، بالقرب من مركز الشرطة

المطاعم الهندية
- كوبر شندني
الخبر ، شارع البيبسي
- بيت التنور
و هو مطعم هندي ايراني صيني مشترك
شارع الظهران ( قسم الافراد حلو لكن ما انصح تروح مع العائلة)
- مطعم مغل
هندي- باكستاني
الخبر، شارع 13 بالقرب من شارع السويكت
المطاعم اللبنانية


1- بربر
الخبر، شارع البيبسي


2- فاكهة لبنان
الخبر شارع الملك عبدالعزيز

3- شتورة
الخبر، شارع 16 قرب الكورنيش

4- مطعم الشراع
كورنيش الخبر

5- مطعم اوتار
فندق المعيبد، طريق الخبر الدمام السريع

6- مطعم الدور التاسع
فندق رامادا، كورنيش الخبر

7- مطعم الف ليلة و ليلة
مجمع الراشد، الدور الثالث

8- مطعم فندق شرفة الخليج، الدور الثامن
كورنيش الخبر
عندهم بوفيه مأكولات بحرية كل يوم اربعاء
و بوفيه مشويات كل يوم خميس
و هو من افضل المطاعم اللبنانية في الخبر، و الجلسة و لا احلى
-----------
وان شاااااء الله اكون افدتـــك ...
ولا تنسيني من الدعوات ..

كلمـــــه ولو جبر خاطــر ......

اب