بنات الشرقية تجربتي مع مشغل الخيال بالخبر

مساء الخيرات لكل الدلوعات

امتدادا لموضوعي السابق تجربتي مع مشغل شارمن

http://forum.hawaaworld.com/showthread.php?t=1945812


أضع لكم الان تجربتي مع مشغل الخيال
ذهبت إلى المشغل بتوصية من إحدى الزميلات , لم ابحث عن المشغل في النت ولم اسمع عنه من غير هذه الزميله , اتصلت على صاحبة المشغل واسمها ناهد الثويني وحجزت على يوم الخميس ...
يوم الأربعاء قبل الحفلة بيوم مريت على المشغل علشان اعرف الوصف وادله مزبوط وأشوف شغلهم
دخلت المشغل واستقبلتني وحدة اسمها عائشة خفيفة دم واستقبالها حلو وكانت في وحدة من البنات تزبط شعرها لكن ما انتظرتها تخلص واشوف تسريحتها لأني مشغولة المهم سألتها عن الميك أب والتسريحات وجلست افتح الكاتلوجات معها واقترحت علي اسوي ( تجربة) على خصلتين من شعري علشان اشوف شغلهم ودخلت سوت لي وحدة اسمها عبير الخصلتين بشكلين مختلفين واخترت واحد منهم

اليوم الثاني دخلت وأنا مطمئنة لأني تصفحت النت واخترت التسريحة اللي ابيها وهي التسريحة الرومانية ويفي مدرج ( مكسر ) وجديلتين على الجنب
عطيت عبير الصور وقلت لها الويفي من هذه الصورة والجدايل من الصورة الثانية وبدت تشتغل ما شاء الله يدها خفيفة جداً وشغلها راقي مررة وأخلاقها كمان راقيه
وكانت تسألني في كل شي وتوريني النتيجة أول بأول حتى الجدايل سوت لي بعدين قالت حلوة أكمل قلت حلوة فكتها واعملتها من جديد
ونتيجة الشعر خيال خيال مررررره شغلها روووعه لأن شعري خفيف طلع وااااو ما ادري كيف ضبطته وطلع شكله كثيف وروعه وراق جدا

وجا وقت المكياج واللي تحطة اسمها ناهد الثويني وهي مشهورة بالميك أب حطت لي المكياج ألوانها هاديه مرة ورايقه والأساس نفس لون البشرة بالنسبة لي أول ما شفته ما عجبني كثير لكن بعدين عجبني يعني حسيته مع الوقت يصير أحلى
ع العموم هو على الطلب وانا ما احكم عليه من أول مرة واعتقد انها فنانه ومكياجها حلو

رأيي في المشغل

1- احترام الزبونة 10من 10 كما لاحظت الحرص على التواصل من خلال الجوال كلموني ليلة الأربعاء للتأكيد ويوم الخميس الظهر .
2- السرعة وعدم التأخير10من 10 أول ما دخلت على طول بدأو فيني .
3- الشكل النهائي للتسريحة (تسريحتي وتسريحة البنات الموجودات ) 10 من 10 وكانت تسريحتي بصراحه حلوة فوق ما تصورت .
4- المكياج ناعم حلو وناهد انسانة راقية وفنانة لكن الميك اب حقها بسيط ويبرز ملامح الوجه واعطي مكياجي 9من 10 لأني ما عطيتها الألوان اللي ابيها ..
5- أسعار المشغل مناسبة التسريحة تبدأ من 250 والميك أب من 300 ..

اللوك النهائي لي كان حلو وناعم ... وانصح بتجربة المشغل

كتبت هذا الموضوع لأفيدكم ... ادعوا لي بالذرية الصالحة حتى ولو ما كتبتوا ردود