بنات الشرقية تصاميم داخلية روعه + تخفيضات+ استفسار

السلام عليكم خواتى.

اليوم بالصدفة قريت لوحة تخفيضات على معرض فى شارع الامير فيصل بن فهد بالخبر ( البيبسى) لاصق بفندق النمران مع انى دايم نمر ومااركز وتعرفون حنا الحريم كلمة التخفيضات لها مفعول غريب قلت حق ريلى خلنا نشوف ويش عندهم متفرغين يوم الربوع خلنا نضيع وقت .يوم دخلنا حصلنا اطقم كنب كلاسيكية وانتيكات وطاولات بالوان كلاسيكية كلها وخشبيات ديكورات .بس الى لفت نظرى طريقة الديكور الخاصة بالمعرض كان فعلا بطريقة فنية من تقسيم وارضيات مختلفة باشكال جمالية وصبغ وتعتيق وبروزات حق التقسيم وطريقة التنفيذ وقمت بدل ما اسئل عن المعروضات قم استفسر عن طريقة عمل الديكرات ومين الشركة الى صممت لهم المعرض .قالى انهم نفسهم الى عدلوة نشاطهم الاساسى تصميم داخلى وتنفيذ مشاريع حق البيوت والمكاتب والمعروضات هى مكملة حق شغلهم الاساسى .
علشان كذة قلت بسئل بنات المنتدى اذا فى احد منهم يعرف المعرض واسمة تذكار المشرق ونفذ عندهم من قبل شغل ديكور لان ودى اجيهم مرة ثانية بخاطرى اسوى ديكورات حق المجلس.:27: لاتبطون على بالرد.