بنات الشرقية سؤال مهم عن الفيصل و الجبيل

أختي تخرجت هذا العام قسم أدبي بمعدل 97 و الحمدلله ... و ما ودها تطلع برة الشرقية للدراسة ...

و عندنا كم سؤال ياليت تساعدونا و الله يجزاكم الف خير ...

هذا الاسبوع كان التسجيل في جامعة الفيصل ... و عرفنا من موقعهم ان جميع "كليات" البنات صارت تبع جامعة الفيصل و التسجيل من خلالهم على موقع الفيصل ... شرط انها تختار كلية وحدة بس و ما يحق لها تسجل في كلية ثانية ... أختي اختارت كلية التربية في الجبيل قسم انجليزي ..

سؤالي .: انا ملخبطة بين كلية التربية في الجبيل و الكلية الجامعية .. قالوا لي ان وحدة منهم ما تقبل الاّ بنات الجبيل و فتحت قبل سنة تقريبا , أنا أعتقد انها الكلية الجامعية التابعة للهيئة الملكية .. هل هذا االكلام صحيح ؟؟ انهم ما يقبلون غير بنات الجبيل ؟؟؟

طيب كلية تربية يعني كيف دراستهم ؟؟ يعني يعطونهم كورسات في التدريس ؟؟ ويعني اللي يتخرجوا منها يشتغلون مدرسات و بس ؟؟ ولاّ شهادتهم مقبولة في جميع المجالات ؟؟؟ لأن أختي تكره التدريس ...

أختي ودها في الكلية الجامعية أتمنى تفيدوني عنها لأن تسجيلهم الاسبوع الجاي ...

و مشكووووورات حبيباتي مقدما ,