بنات الشرقية عشان ماتنغشون في الأقمشة تعالوا افيدكم

السلام عليكم ورحمة الله وبركاته


اول اذكروا ربكم وقولوا ماشاء الله :kissa:



لي فترة اروح وادور بين محلات الاقمشة لمناسبات جايتنا



المهم .. اول محل رحت له قبل لااجزم على موديل واقمشته .. ميموزا حبيب الألب :heart:



خقيت على موديل توه نازل على ذمة البياع .. واول مره اشوف موديل توه ينزل ويعملون عليه ديسكاونت :icon31:

المهم قيمته 20,000 وآخر خصم له 12,500 :eek:

واخذ الفستان اجرب واحفظ موديله واقمشته ..
الصدر اذكر اني شفت شبيه له في الخبر مول من قبل 3 شهور .. لكن التل .. جزمت انه مستحييييييل احصل نفسه 100%
لأنه بصراحه تل غريب وواضح انه فرنسي اصلي .. طايح مره وكأنه شاش اقرب منه تل ..
قلت توكلي على الله ياهتيل والحقي على قطعة الصدر وركبي لها اقرب قماش تل طايح ..
وفعلا بحمد الله لقيتها القطعة وقال لي البايع ان سعرها 1400 !!
قلت له : نعم .. قبل 3 شهور قلت لي بـ1000 وقبل لاتكاسر !!
قال اي يا اختي كل شي ارتفع والقطعة عليها طلب !!
طيب ياعم الله يوفقك :huh:

طلعت منه لأني عارفة ان فيه واحد ثاني يبعها اقل وفعلا حصلتها ..
كم تعطيني اياها ؟
قال بـ 1000 !!
يؤ ! قبل 3 شهور يوم جيتك قلت لي بـ 800 قبلا لااكاسر !!
قال لا مو انا .. البياع اللي قبلي !!
طيب انتو مو محل واحد !!
انصك الرجال وخصم لي من القيمة الاولى 20 ريال .. قلت ياهتيل لاتطمعين اكثر .. وتوكلت على الله واخذتها بـ780 ريال
ركب لي عليه تل وسوا لي خير يوم خصم لي المتر بـ25 ريال بعد ماكان 35 !
تشكرت منه وقلت لا ما احتاج !

طلعت من المجمع وعلى طول على الحياة بلازا واطير للعمري .. وادور التل الطايح .. اي نعم حصلت بالضبط نفس تل الخبر مول لكن مو نفس درجة اللون ولا طبعا نفس تل ميموزا وقال لي بـ 15 ريال .. اتفقنا انه يجيب لي نفس اللون بكرا

طلعت منه ورحت اول محل بجنبه ..
وتهستر هتيل وبقوة بعد ماشفت نفس تل ميموزا بالضبط :icon810:..
وربي يابنات نفسه وبقوه لدرجه شريته وطرت على ميموزا ابي اتأكد ..
والله الذي لا اله الا هو نفس القماااااااااااش :2thmup:
لا والمتر بـ 10 ريال .. اعتذرت من العمري على حجز بكرا .

واحمدك ياااااااارب .. من 20,000 الى 1750قيمة الخياط والقماش كله :)


طيب تعالوا اقول لكم ع الغش الثاني ..

كنت ادور على قماش تفته في الخبر مول ..
كل المحلات اتفقوا على ان التفته البطانة اللي تقلب لونين بـ 30 ريال .. الا عمنا بازار قال لي بـ 50 بحجة انه اللي عنده فرنسي وبرا كوري !
المهم اخذت عينه من ابو 30 ومن ابو 50 واطير ع العمري ..
وطبعا حصلته بـ 15 ريال واخذت منه عينه .. ورحت لصديقي الجديد المحل اللي بجنبه والقاه نفس اللي قبله بالضبط وبـ 10 ريال :icon20:

شفتوا الى اي مدى التلاعب بالاسعار ؟
وربي يابنات نفس التفته ونفس اللون .. بس الشاطر اللي ينتبه وما ينغش ..

وهذا على فكرة الخبر مول ارخص بكثيييييير من مارينا مول .. على ذمة البياعين بحجة ان اجارات مارينا اغلى من الخبر عشان كذا فرق الاسعار ..

انا ما اقول لاتشترون الا ارخص شي ..
بس فيه اقمشة تنوجد في كل مكان ..
اللي هي البطانات والشيفونات والتفتتات .. يعني الاقمشة السادة
صحيح في محلات تتميز باقمشة سادة ماتحصلينها عند غيره .. لكن الكلام على المتشابهات :)


واي وحده عندها تجربة تفيدنا عشان ماننغش !