بنات الشرقيه ساعدوني ابي فساتين سهره مميزه

هلا أختي
أنا نفس الشي زواج أخوي في الصيف .... بس لفيت على كل محلات الخبر اللي ممكن أحصل فيهم ما لقيت شي يعجبني لأن كل الموجود مبالغ فيه اما من ناحية الشك و التطريز و الألوان .. أو من ناحية السعر ...

بس باقولك المحلات اللي رحتها ...

طبعا الراشد فيه المصمم اللبناني و العبدالواحد و فيه كذا محل فساتين سهرة بس ما حصلت الموديلات خيااااس
المحلات اللي في الظهران مثل أفترشوك و غيره , نفس الشي
المحلات اللي ورا الميريديان مثل ميموزا , باكو , لافي و غيرهم ... ما عجبني الاّ كم واحد , لكن مو ذاك الزود و الاسعار مررررة غالية يعني فوق الخمسة آلاف
المحلات اللي في شارع البيبسي مثل عطيف و الأناقة البسيطة .. مالقيت عندهم .. بس عطيف يجي منه قالوا بيجيبوا بضاعة جديدة ... و أسعارهم مناسبة
ورحت كذا محل على الكورنيش ... نفس الشي
أما الجمعة سنتر و مارينا مول ما رحت لهم لأني عارفة ان الناس هجوم عليهم في المناسبات ة أكيد بلاقي أحد لابس مثلي ..ز و عشان كذا خفت أشتري جاهز و قررت أفصل ... و الحمدلله فستاني ألحين في المشغل و افتكيت من هم الدوارة ... و نفس الشي خواتي ...

بس عندي أخت في الرياض تقول لقت فساتين حلوة في مجمع نجود و الحياة مول ... و بعض المحلات الراقية هناك يبيعون بالقطعة يعني كل مقاس له قطعة وحدة عشان ما يتكرروا الموديلات ...


أتمنى أكون أفدتك ... و مبروك زواج أخوك

بنات شوفوا توقيعي