الله يجزاك خير ياهنوه اللي اعرفه انها في الحويه واسمها ام شداد وهي عتيبيه روقيه بس المشكله ما اعرف عنوانها ولا حتى رقم تليفونها
اللي تعرفها او تعرف وحده تعالج مثلها ياريت تعطيني رقمها والله يجزاكم خير
وصادقه ياهنوه الله يهنيك بالدنيا والاخره ما هذا خبري ببنات الطايف
الله يرحم والديكم يا ام الخير ويا هنوه ويوفقكم

اختي الله يقوم اختك بالسلامة


اعرف وحدة عندها حوايج النفاس والدورة مرررة ممتازة واستعملها انا وخواتي

وهي في الرياض اذا تبين الرقم انا حاضرة واتمنا تنفعك مثل مانفعتنا الحمدلله

الله يجزاها بالخير :)

الله يرحم والديك ويجزاك خير ياغناتي تكفين الحقيني برقمها لان اختي ابشرك ولدت وجابت بنوته حلوة وتوها باول نفاسها ما كملت اسبوع وودي اجيبها لها بس الله يرحم والديك هذي الحرمة حوايجها مضمونه ؟؟؟ لان فيه حوايج تسمن ايام النفاس وهذي ماتبيها تبي شي مفيد بس ما يأثر على وزنها وبعد فيه حوايج ماتكون نظيفه يعني شغل راعيتها مو نظيف تكفين ارسليلي التفاصيل وبكم سعرها وكيف اطلبها
الله يجزاك خير

ايش قصدك بحوايج؟؟

عزيزتي الحوايج عبارة عن اعشاب مخلوطه ومطحونه تستخدمها النفاس وفيه حريم متخصصات في الطب الشعبي هم اللي يسوونها