بنات الطائف يدخلون ضروري

ياحيييييييييييييييييييييييييييييييياتتي مبرروك ربي يوفقققك ويسر طريقك ويسهل امرك ويجعل بسعاددة

تسلمي يا عمري الله يتقبل منك وعقبالك يارب

شوفي بااعمل لك جدول بسيط
اذا بتباتون احجزوا في فندق رمادا الهدا مطل على جبل كرا والتلفريك
اسعارهم كانت حلوة لكن قبل فترة رفعوا السعر شوي
فيه غرف مطله على الجبل وهي اغلى وفيه غرف غير مطلة ارخص
ومن ضمن سعر الغرفة فطور صباحي بوفيه مفتوح روحوا له بدري لانه يقفل تقريبا 10 و 45 دقيقة
اذا بتجون للطايف على طول ومارح تباتون حاولوا تخلونها صبح علشان تكون البسطة لاطول وقت ممكن
الظهر
روحوا برج الطايف عنوانه معروف لوتسالين اي طفل في الشارع بيعرفه
في البرج مطعم دوار بنظام البوفيه المفتوح اظن الفرد الواحد بـ 150 ماادري اذا غيروا الاسعار
العصر
روحوا الهدا او الشفاء
خذوا لكم شاهي جمر وحبش مشوي روووعة بسطات الشاهي والحبش منتشرة على الارصفة
تمشوا وشموا هواء
المغرب
روحوا البرج مرة ثانية فيه مقهى حلو ورايق يطل على كل الطايف في الدور الاخير من البرج
اجلسوا وتقهووا وروقوا
العشاء
روحوا مطعم اسمه بارادايس paradise مطعم توه فاتح صح انه بسيط لكن اكله لذيذ وعصيراتهم روعة واسعارهم معقولة
عنوانه وادي وج جنب المطعم الصيني
اعطيك اقتراح ثاني لمطعم
اذا تحبون الاكل الهندي روحوا مطعم ميراج هو افضل من المطعم الهندي الثاني
عنوان مطعم ميراج شهار طريق الشفاء جنب كنتاكي وهارديز
اقتراح ثالث
اذا تحبون الاكل الصيني
فيه مطعمين كويسين هم افضل مطعمين صينيين في الطايف الباقي مو كويس
الاول لؤلؤة الصين
عنوانه شهار طريق الشفاء جنب سيتي ماكس
الثاني في مول قلب الطايف جنب برج الطايف
وتروحون وتجون بالسلامة الله يحفظكم
اتمنى لكم رحلة سعيدة

تبغين طبيعه وجو عندك الهدا بس بررررد وضباب ومطر تبغين اسواق ومحلات عندك شارع شهار حلو وشارع ابوبكر وفيه برج الطائف

روحي البرررج والهدا والشفا بس بررد والله يسعدكم