هلا نونا

حبيبتي الله يبارك فيك ياقمر .. وبإذن الله بيكون احلى مكان بتواجدكم فيه :)

بيكون عندنا ان شاء الله حمام مغربي واخصائية بشره وشعر ومساج كمان وخدمات اكثر لعيونكم

والعاملات راح يكونوا مدربات وماهرات وعلى درجه كبيره من الاتقان للميك اب والشعر

ونوع الميك آب بيكون من افضل الماركات الموجوده بالسوق والمشهوره وهذا الشي بتشوفينه بنفسك

والنظافه من أولوياتنا وبيكون لها عاملات خاصات وبعض الادوات بتكون استخدام واحد وترمى والباقيه بتكون تحت التعقيم على طول

والديكور بيكون بسيط ومرتب .. لأني اميل للبساطه

ومشكوره حبيبتي على مرورك وتعليقك ..

ما شاء الله الله يوفقك و تفتحين الصالون و تفكين عنا أزمة الصوالين في الطايف

أنا تو سكنت الطايف و محد مدح لي غير صالونين و مو مرة كمان مدحوه

و أنا أتمنى يكون عندك مصممات فساتين راقيات و ذويقات لأني تعبت و دورت و مالقيت غير وحدة بس

و أتمنى تلزمين موظفاتك بللباس المحتشم لأننا نشوف الهوايل و اللحوم المتناثرة و التباهي بها في الصوالين

ويا ليت تكون الطلبات الخارجية زيادتها قليل مو كثير زي ما نعرف و تكون الطلبات متوفرة دايم

و الله يسهل أمرك و يييسر كل صعب في طريقك

بس لا تنسي تقولين لنا عن الإفتتاح ضروري جدا

على فكرة شبتسمون الصالون ؟

هلا نوال

حبيبتي الله يجزاك خير على هالدعوات الحلوه مع الفجريه

ان شاء الله بيكون عندنا مصممه وممكن اكثر من وحده لسى ماقررنا .. لكن التصاميم راح تكون راااقيه ومحتشمه ومرتبه وراح تعجبكم ان شاء الله ..

بالنسبه للعاملات لبسهم بيكون موحد ومرتب وساتر وماعندي اي وحده تطلع لحومها وشحومها ..

والطلبات الخارجيه بتكون بزياده بسيطه ومناسبه وراح تتوفر على مدار السنه ان شاء الله تعالى

والله لسى ماقررنا ايش نسميه بس بيكون اسم مميز وسهل الحفظ :)

وطبعاً راح ابلغكم ان شاء الله تعالى قبل الافتتاح بفتره للي تحب تحضر

مشكوره حبيبتي على مرورك وتعقيبك ..

up

استغفر الله العظيم واتوب اليه ..


:)