*&تلفون خربان &*
انا مع الاخت ام الخمائل
واضيف عليها ان فيه ناس كثار مستحدثين للنعمه وفيهم تكبر ما الله به عليم يناظروون بنصف عين وحركات ما لامها داعي
بالعكس اللي متعوده على العز تلاقينها فيها برآءه اكثر من الملكعه

وصدقيني اعرف كثار ماعرفوا اللكاعه الا اذا بعدوا عن اهلهم بالزواج والمواقف من المجتمع والا قبل يسمونهم الناس مسابيه من كثر الطيبه

وهم عيال نعمه
فلانة الفلانية
تسلمين اختي تليفون خربان ^_^


برضوا أخالفكم الراي !!!


يمكن انتو ماصادفتوا اللي انا اتكلم عنه هذا شي ثاني ... انتو لمستو واقع و انا لمست واقع
على فكرة انا ما اعرف ابدا ناس من هذولي المستحدثين ما عمري صادفت احد منهم .. لكن اسمع عنهم .. بس عاشرت اهل النعمة المتعودين على العز من نعومة اضفارهم .. منهم الطيب و منهم الخبيث و منهم الغافل و انا اتكلم عن اخر نقطتين


و شكرا على المرور ...:)
الشــامخـه
الشــامخـه
ياقلبي خليني أكون معاك صريحة ألحين في هالوقت وخاصة بين فئة الشباب اللي تقولين عليها (او بنات) معاد تفرق معاهم ولد النعمة وبنت النعمة من ولد الفقر وولد الفقر بالعكس ...معاملتهم لناس واحد .. لا وأزيدك من الشعر بيت واللي ترفع خشمها ولا تتكبر وتميلح بسوليف والمظاهر على غيرها ,,,والله أنهم يعطونها أم الركب ويطقونها (طنااااااااااااااش)ويجلسون يتكلمون ويسولفون اللين تتعدل وتتكلم مثل العالم والناس وتجيهم هي بنفسها,,,(((( والله هاذا اللي أشوفه من تعامل البنات في الجامعة))).. يعني الحين الحارس والمحروس كلهم سيم سيم ..فهمتي علي ..وحتى اللي ماعنده وماعاش بنعمة مايحاول يبين هالشي أو يعطي الطرف الثاني فرصة انه يترفع عليه,,, فبنات الطبقة المخمليه الراقيه ... أذا تصرفت بالتعلي والتكبر في هالزمن فهي تمرض نفسها لأن محد داري عنها ولا جاي يسأل عنها ... المجتمع تفتح والشباب والبنات أستلكعوا وقوى عودهم ... وأنتي لاحضي الحين اللي رافعة خشمها على خلق الله ومتكبره تلاقينها تمشي مع بنتين او ثلاث بالكثير ويكونون نفس سجيتها ومو داخلين مع المجتمع مثل غيرهم ليش ؟ لأن المجتمع الشبابي لا يتقبل هالشخصية ولا تضيف له أي نوع من الفائدة...فاتتمحور حول نفسها وبس ******* كلامي عن تجارب عشتها في مجتمعي سواء في الجامعة أو العائلة ************ طولت عليك بس عن جد هاذا واقع عايشته وشايفته وخاصه أني متعايشه مع هالفئة اللي قلتي عليهم.
ياقلبي خليني أكون معاك صريحة ألحين في هالوقت وخاصة بين فئة الشباب اللي تقولين عليها (او بنات)...
مشكور اختي العنود كنت ابقول نفس كلامك يسلموووووووووا

ومشكوره اختي فلانه
* قلوبي*
* قلوبي*
انا من راي الاخت ام الخمايل
قلبي عليك التاع
الحقيقة أختي أنا لي تعليق بسيط بس على الموضوع وهو اعتراضي على مسمى الطبقة الراقية ..لأن في رأيي الرقي لا يرتبط لا من قريب ولا من بعيد بالمستوى المادي للشخص ،،فكنت أفضل لو استخدمت مصطلح الطبقة الثرية أو ذات المستوى المادي المرتفع أو أي مصطلح يعبر عن مستواهم المادي لأن كلمة الرقي تعبر أكثر عن المستوى الأخلاقي للفرد أو المجتمع ،،بالنسبة لطريقة هذه الطبقة في التعامل أنا اعتقد أنهم مثل أي فئة أخرى فيهم الجيد وفيهم السيء ،،وسلامتك