اختي عندي فكرة ابقولها..

انتي تبين شي تراثي..

ممكن تسوين ركن عند المغاسل تحطين مفرش تراثي اما قماش شالكي او اللي يجي مخطط وتحطين فوقه سلال خوص ((محافر)) وتحطين فيها علك لبان واي حلويات قديمة وممكن تحطين معها ديرم مثلا ..وبالنسبة للحلويات شوفي الحمود بعويس وطيبه واما الاغراض اذا انتي في الشمال فيه محلات جنب العويس واذا كنتي في الشرق شوفي محل في خريص بلازا تحت جيان عند المواقف...

وهذا موضوع الاخت اسلوب http://forum.hawaaworld.com/showthread.php?t=382843

ممكن الهدايا نفس الشيء تلفينها بقماش شالكي ...

تحياتي

بالنسبة لاطقم التقديم فيه محل في العويس اعتقد انه جديد, اسمه قلعة الكريستال عنده اشياء حلوة,انا اخذت منه صينية تقديم مرة حلوة وغريبة مو مألوفة .

والحلويات اقترح عليك تجيبين من بيت الشوكولاته طبعاً مكشوف,
ومن دونية الشوكولاته المغلفة,
ومن تمور الصالحية(قريت لوحدة من البنات ان عندهم سلة بالسمسم )حلوة الفكرة اعجبتني.

واذا تبين رقم صبابات عندي رقم ام خالد مرة ممتازة.

ايه الصاالحيه عندهم تمرر حلووو
والكيك اللي بزي السله من السمسم تلاقينه بفرعهم اللي بطريق الملك فهد ممكن تحطينهاا بعد الغدااااء
دونيه عنده حركاات حليووه بالنسبه لرمضاان يعني كل حلااوه مغلفه بشكل مررتب وعليهاا تزيين يوحي برمضاان اكيد انهم مجهزين شي جديد للعيد
عندك محل جوي عنده حلاوه الكورن فليكس حررركه واحسهاا مو مستهلكه عنده
ماا ادري اذا انتي شفتي الحلاا اللي بالورد يعني عليه مثل اورااق الورد الطبيعي جديد وشكله غرريب
والله يام فااايز عصرررررت مخيي وهذا اللي طلع معي
ان ذكررت شي رجععت لك
الله يعينك ويقووويك

ام فايز عندي لك فكره خطيره شفتي حلى الورود عند ملك الحلويات ب50 الكيلو فيه وحده تركيه تبيعه ب25 وعندي طريقه رهيبه للتقديم تصفينه بعود نقاش على خبز زي البرجر لكن ي هذا الي ذكرتيه بارك الله فيكالحجم الكبير وزينيها باوراق نعناع تطلع شيييييييي وتكفين ادعيلي بالفرج

ام فصولي وين فيه جو

حبيت اقول ان النطيطات أحجام في كبيره وصغيره ووسط ..

صدقيني بتضف عنك البزران وحتى البنات بعد بيدخلونها والحريم الكبار اذا كانو مو رسميين بتكوون حركه تجننن حنا عندنا بإستراحتنا وحده حنا الكبار نتطاقق مع البزران عليها

والكل ينتظر متى يصير فيه اجتماع عشان يكون في استراحتنا بس عشان النطيطه ..

وسعرها لو شريتيها من الفالح وعليها ضمان خمس سنين 1800 هذي أكبر مقاااس

الصغيره الظاهر ب500

ولك وللزمان في اي مكان تبغينها يجون عمالهم ويفكونها ويركبونها لك بالمكان الثاني :)


اما الافكار انا صراحه ماعندي شي بس حبيت اعطيك فكره لتعطير البيت ..


روحي للمصباح او اي محل ثاني بس المصباح عشان عندهم رخيصه وخذي منهم الفواحه

ب100 ريال تعطر لك البيت أسبوع حطي عليها مويه وشوي دهن عود (المتسلق) خذي ربع توله وتراها كثيره ب25 من العربيه للعود وتراهم بعد يبيعون الفواحه ..

وحطي عليها المتسلق من اول مايدخلون البيت عند الشارع بيشمون الريحه اللي تدووخهم ..

وهي شكلها يجنن تحفه خطيره تطلع دخاان معطر بارد وألوان او ممكن يكون الدخان حار على حسب المويه اللي بتعبينها فيه ..


واذا ماتقدرين عطري البيت بأي عطر قديم عندك ماتبغينه مو مهمه رحيته بس كثري وتكونين شابه المبخره وبخري البيت وأهم شي الستاير ((لانها تمسك الريحه وتخلي البيت ريحته بخوور أسبووع)) وشووفي الريحه كيف بتطلع لان العطر يمسك ريحة البخور ويكثفها واهم شي استقبليهم وبيدك المبخره وبخريهم ..


اما الحلويات شوفي اكار شوكلاتا عندهم شوكلاتة الاطفال تجننننن انا أخذت كيلو ونص ب90 ريال بس :)

والمعجنات روحي لحلويات بيت الريان قدام اكار شوكلاتا الكيلو ب100 ريال بس فطاائر تاااخذ العقل بالتوست وفيه منها اللي يجيك ساندوتشات مع الكبه مع ورق العنب مع كل شي 100 ريال انتي خذي منهم صحنين الواحد ب50 اذا ماتبغين سلال او صياني ..

اكار وبيت حلويات الريان بتلاقينهم بأحمد بن حنبل على نهايته مري اول شي بيت حلويات الريان على اليمين واطلعي منه بعد الاشاره ديوري وبتلقين على طول اكار جنب التأمينات على اليسار ..


واذا تبين هدايا للأطفال شوفي كشكات انووش بالعثيم مول وصحارى بلازا وخريص بلازا

عندهم شوكلاته ماسكها خرووف بشكل يجنن على 5 وعلى 10 ريال ..

وفي اشكال ثاانيه تااخذ العقل وشوفي عندهم صياني الشوكلاته للكبار تجنن وتواجه وكبااار على 200 ريال و150 انا شفت بفرع خريص صينية شوكلاته ثلاث ادوار ب125 ريال ..

واحب أأيد غاده على حركة البالونات حطي في الغرفه اللي بيكون فيها الاطفال بالونات وانثري على الارض وكثري منهم بقوووه

وممكن توزعين في باقي البيت البالونات اللي يصيرون مو معبيين اوكسجين يكونون في السقف ..