السلام عليكم ورحمة الله وبركاته
حيالله MAZAH
ومبروك عليكم العرس
حبيت أقولج انه القاعات في العين (يسموهن صالات أو قاعات زايد ) في الخبيصي ( ميدان الاحتفالات ) قريب من كارفور وعندج في اليحر (طريج بوظبي العين ) وعندج بعد في هيلي (طريج دبي العين) وأسعارهن مثل ماقالوا رمزية
اللي أعرفه إنه المكان مجاني وانه اللي يندفع بس هو سعر الخدمات (الطاولات الأكل والخدمة الفندقية وترتيب الصالة اذا تبون ) بس ترا الحجز تلقونه بصعوبة لأن الخلق كلهم يحجزون في هالصالات وظنتي الحل انكم تتصلون وترمسون حد من المسؤولين في الصالة واللي هم (شركة بينونة) وتقولولهم انه اذا في حد كنسل الحجز انكم تاخذون مكانهم
والصالة اللي شفتها هي صالة الخبيصي كبيييييييييييييييرة وواااااااااسعة ومرتبة والله يهنيكم فيها اذا لقيتوا الحجز
أما بالنسبة للفنادق (روتانا والهلتون والخبيصي ) أسعارهم نار وفوق النار ويمكن هي اللي سأل عنها اخوج
وصالاتهم أصغر من قاعات زايد
بالنسبة للصالونات
عندج مركز الأفراح (مدام انصاف) شغلهم يقولون انه حلو
انا شخصيا جربته بس مشكلتهم انهم ما يغيرووون واحينه يعدلون العروس بـ 2000 درهم يمكن يعيبج
وعندج حنان شقير جربتها في عرس اختي وكان الميكاب روووووعة
هالصالونين اللي كنت اتعامل وياهم في العين
واي خدمة ثانية آمري وانا تحت أمرج
@@@@@@@@@@@@@
العيناوية 85 أحس إني أعرفج .... انتي عرستي والا بعدج؟؟ ثاني شي عندي احساس كبير انج انتي اللي في بالي
وثاني شي ترا انا بعد عرسي قرب ( في الصيف ) ... وانتي تعرفيني بس ما تدرين اني ملجت!!!
الله كريم
اخليكم احينه وبالتوفييييييييييييج يارب :27:
مع السلامة
الصفحة الأخيرة
ممكن اطرشيلي ارقام هالقاعات بلييز لاني لما اتصلت باستعلامات الدليل قالولي و تتبع ها القاعات
اذا ما عليج كلافة يا الغالية طرشيلي باسرع و قت