بنات الفزعة الدورة جتني 3 ايام فقط!!!!!

ماشاءالله تبارك الرحمن

حياكم الله

بدخل فالموضوع على طول
انا فاكه حبوب منع الحمل من كم شهر بس مافي بالي حمل فكيتها لأني خفت تسبب لي ضعف فالمبايض اذا طولت عليها
خصوصا ان 2 من قريباتي جابوا على طفل ومعد حملوا واطفالهم كبار الحين اعمارهم بين 5 و 6 ويمكن 7
المهم الاسبوع هذا نزلت علي الدورة 3 ايام فقط استغربت ماقد صارت وهي بالعادة تجلس 5 او 6 ايام المهم اول يوم كانت خفيفة وثاني يوم كانت كثييييرة وزي النزيف وينزل معها قطع دم مجمده تشبه الكبده ووحدة من القطع كانت كبيييرة لدرجة حسيت فيها وهي تطلع وكنت نايمه ونقزت ع دورة المياة الله يعزكم لقيت الدم طالع حتى ع ملابسي ومو عادة يطلع مني دم حتى اني غيرت ملابسي مرتين وثالث يوم كانت عادية وفي ثالث يوم العشاء انقطعت! وفي نهاية اليوم الرابع نزلت نقطة او نقطتين بنيه فقط ومعد شفت شي جلست يومين انتظرها تنزل ومافيه فايده
سويت تحليل منزلي وطلع خط واحد بس ابي اتأكد زيادة لأن وهذي المشكلة الأسبوع الجاي عندي أشعة رنين مغناطيسي ولازم ماااااا اااااكون حااااااامل اخاف يكون حمل وماراح يبين الا بعد فترة ووقتها اكون سويت الأشعة وش الحل اسوي تحليل دم اتأكد؟ والا سونار؟ والا الرقمي من شوي قريت عنه اول مره اعرفه؟ ولو فيه حمل هل راح يبين؟

تكفون بنات افيدوني وريحوني وعطوني معلوماتكم وتجاربكم والله اخاف اسوي هالاشعة واخرتها اطلع حامل بيكون خطر خصوصا ان وقتها طويل 45 دقيقة واحيانا ساعة كامله

بين الدورة والأشعة تقريبا اسبوع وش رايكم اسوي تحليل دم والا سونار وهل هالوقت كافي انه يبين وجود الحمل؟ واذا مو وقت كافي وش الحل وشلون اكنسل الاشعه يارب الطف بي.


انتظركم الله يسعدكم لي كم يوم بالي مشغول وكل يوم يمر يقربني من يوم الأشعة احتررررررت الله يفرجها من عنده