السلام عليكم ورحمة الله

الحمدالله اني لقيت هالموضوع فيه كلام يقرقع بقلبي وقبل لبارح كنت ابحث عن المواضيع الي عن المطابخ ابضيف تجرتي بس ماحصل

اولا احب اعطيك تجربتي بكل حذافيرة بالزين والشين
1-مطبخي بيت ملك ومساحتة 4*5 وطلع 12 متر وكلف مع الاجهزة 26الف صاج شرايح مدبول وفصالات هدروليك وهيكل كامل صاجوالرخام استون ومدة العقد 40يوم والضمان 5سنوات عل المطبخ و10 على الرخام وسنة على الاجهزة
2-جاني نفس حيرتك وتفكيرك وفي بالي اشياء ماكنت ناويه اتنازل عنها ومع اللف والدوران تنازلين عن كل شئ لان المحلات ماتجيب الي في بالك مئة بالمئة
3-المدح لبعض المحلات كثير والسب الاغلب المحلات اكثر وملعوب ملعوب عليك فلاتعبين نفسك بكثر اللف والدوران محاكيتك لفيت تقريبا شهر على المحلات ودخنا ودوخنا
4-مستحيل يجي المطبخ نفس احلامك وتفكيرك لاب من التناااازل حطيها بالك عشان مايضيق صدرك
5- بعد الدوران والشور استقريت على 3محلات حسيتها هي التوب شبكة المطابخ العليان البحر الاحمر وكلها قدام بندة الي بالمنتزة
6- رسينا على الشبكة لان اغلب شروطي فيه وطريقة تمتيرة سهله المتر طولي شااامل كل شئ عكس المحلات الباقيه الي ضيعونا بالتحسيب والزيادات
7-فصلت صاج وهو ترى الافضل والاجود حاليا والسطح الرميزان والمجلى ستيل
8- الموضفين هناك فهيمين بالحيل وينبهك على نقاط كثيره معني كنت دارسه الموضوع ومنتهيه
9-االي تنازلت عنه وخلاني اتردد بعدين استخير واجزم كنت ابي فاتح ولاحصلت اللون الي ابيه عندهم
10-الي جزمني عليهم وتناسيت كل السلبيات انه كان في بالي المطبخ خشب وماراح اتنازل عن هالشرط بس السعرة المرتفع لقيت الشبكة يفصل المطبخ من الصاج كامل فيطلع داخل الدواليب وخارجيه خامة وحدة شئ جميل جدا تفتحين الدولاب من جوى بني نفس برى كنة خشب ولا لقيت هالنقطة الا عندهم العليان يسويه بس بالدواليب الزجاج الشفافه والبحر الاحمر قالي بيندبل السعر لان الصاج غالي وهالكلام قبل سنه وكم شهر يمكن تغيرو
11-يطلعون معك كم مرة يمتر ويحسب وياخذ لك القياسات بالملي مطبخي فيه كم نقطه يطول شرحه وتبي ماضيع بس عرفو يتعاملون معها بكل سهوله معن كم بنت نفذت فكرة منها وبهذلوهم محلات المطابخ ماعرفو يركبون لهم المطبخ الزبدة انهم يبردون القلب بالفهم
12-موعد التركيب يجيبونه بنفس اليوم والتركيب جدا سريعين ويخلصونه بيوم
13-غلطو بلون الرخامة حطوها غاامقة وغيروها لنا بكل سعة صدرللون الي نبيه
14-السباك كسر لي دولاب الزاويه وغيروة لنا من ضمن الضمان
15-اخذت من عندهم الاجهزة بس ماش ماعجبتن معنها ايطالي ايطالي تجميع وصناعة ولا قالو لي ان الصيانه مهب ببريده بالرياض تخيلي اخذو الغاز السطح التصليح وجلس 20يوم تعبنا منهم لحد ماجابوة والمرة الثانيه جلس شهر هذي من العيوب
الميكرويف لقيته برى ارخص بالنصف قلت ابجيبه من برى وعطيتهم المقاس يوم ركبو المطبخ طلع المقاس صغير وضطريت اخذ منهم وابيع الي عندي يعني مايحرصون بالمقاسات الي من برى
16- الارفف مدبوله على كلامة بس احس فيها خفة ماهي توووب
17- عندي دولاب مشطوف وانشرخ الرف بالكامل جلسنا نتصل عليهم شهرين عشان يجون يغيرونه يعني بالصيانه خرطي وغثيثيين معنهم داقين صحبة مع زوجي وميانه بس بهالنقطة اعطيهم صفر
18-الزبدة عطيتك السلبيات والايجابيات كلها ولا ضلمتهم بأي شئ قلت الزين والشين فيهم
كنت اتمنى موضوع مثل كذا يتكلم عن المطابخ بأسهاب عشان اعرف احدد وجهتي بس كل المواضيع اتوهك
19-عندي مطبخ المخزن من الشملان له 6سنوات ونقلته من بيتي القديم للجديد وجو بنفس اليوم شالوة وركبوة وسسو صيانه شامله له والدولاب قوي ويتحمل وهو فرميكا بس اكسرو الرخامة وغيروها لنا بقطعتين وهم الي كاسرين قطعة وحده بس انهم سريعين ويبردون القلب
عطيتك تجربتي بالنوعين والمحلين وانتي اختاري الي يناسبك
20- السعر المتر ب1800شامل كل شئ ترى الي يفصل لك بالقياسات بالاخير يطلع قريب من السعر وعند الشبكة بدون دوشه راس وتفهمين السعر مضبوط وسعر العليان اتوقع انك غلطانه مافيه متر ب10000الا لو هو ذهب المنى الاغلى المتر ب3000 لانه خشب حبيت اصحح المعلومة

دعواتك واتمنى اني اضفت شي مفيد الموضوعك

بنات انتبهو من شبكة المطابخ نصااااااااااااااااااابين وبقوة حسبي الله عليهم

اسفه مدو بس انصدمت من مطبخي من كل النواحي وتعاملهم سي جدا الى الحين ما خلصو تركيبه حسبي الله ونعم الوكيل فيهم

هـلا والله برونزيه وش صار عليك فصلتي

اح ليش 20000 بكم المتر عندهم لازم مانخلي محلات المطابخ يتمادون بالاسعار

وش رأيكم نسوي مقاطعة :angry2:

شبكة المطابخ بعد غالي وين نروح اجل :confused:

أما سله المعلبات اذا تقصدين الدرج الطويل اللي يسحب و كله سلال ماينفع انا مجربته في استراليا

اذا طاح شي يالله تجيبينه و تنظيفه صعب

انصحك بالدولاب مثل الصورة يشيل كل الاغراض كد جربته في استراليا

وعليكم السلام و رحمة الله و بركاته

هـلا والله اخت مدو مافي قدو

جزاك الله خير و الله يهنيك بمطبخك

ما شاء الله عليك تكلمتي بكل التفاصيل بس فيه بعض كلامك مافهمته يوم تقولين فصلت صاج و السطح

الرميزان وشلون الرميزان اللي اعرفه الرميزان محل ذهب ^^

انا والله من كثر ما اقرأ عن المطابخ كرهته و إذا الدعوه كله نصب خلاص اخذ من اللي سعره رخيص

و الأجهزة ميكرويف عندي بنقله لبيتي الملك إن شاء الله و الفرن و غسالة الصحون اشتريها

و اخليهم يأخذون المقاسات أما على سعر العليان اذكر اني رحت محلات مطابخ كثيره

و قبل الأخير كافكو لقينا فيه هندي داج قال لنا سعر المتر 10000 و بعده محل جنب العليان

فيه يمني يقرق تقل شريط اوجعني برأسي و بعده العليان عاد لقينا 2 مصاريا و سألهم زوجي

عن المطابخ المهم قعدوا يشرحون قالهم لاتصيرون مثل كافكو غالين قالوا معروف العليان بالغلا

بس الظاهر قالوا المتر بـ 7000 مدري 10000

أنا كنت متفاجأه من كافكو يوم قال بعشره فمسكت معي ع العشره :icon30:

و اللي تبي تأكد من السعر تمرهم و تأكد بنفسه