بنات القصيم وين الاقي عجينة سمبوسة غوار.؟؟؟

هلابك
والله ماظن مووجوده بالقصيم لاني رحت العثيم وبنده كلها موجوده السلمان ورووعه السلماان
وعندك رغد وفي ثانيه بس نسيتها

اهلين ام رزان ... شكرا لك صحيح منتجات رغد حلووووه خصوصا الخبز لكن بجرب العجينه ... ان شاءالله

ياليت اللي تعرف تقول لي

نفس السؤال
والله امس وصيت عليه وما اعتقد توجد بالقصيم ,,,

واذا تبين عجينه حلوه جربت المنصوري او المنصوره

روووووووووعه خفيفه وشرايح متساويه في السمك

لحن ... والله ثم والله يااختي ان غوار ماااااااااااااتنفع الله يكرم النعمه
زين انك نسيتي خيره من الله
غوار كانت قبل كويسه
بس والله من تالي ياانها تجيك متعجنه على جهه وجهه رقيقه
ولا متقطعه خاصه اذا تبينها مطبق تنعد بالاصابع اللي الاقيها كامله
تجي مربع مو كامل متقطع حسبي الله عليهم خذوا سمعه وبعدها مافيه اخلاص
عاد سبحان الله انا ذكرت لي وحده من اللي يبيعون السمبوسه والكبه وخلافه المفرز
رقائق سمبوسه تقول انها رووووووعه مره تجي من القصيم اسمها ابو صالح
توجد في الرياض بس تقول اذا لك احد في القصيم يجيب لك لانها هناك ارخص
ولا كتب ربي اجيبها واجربها للان .

ترى غوار مو ذاك الزود ولا تستاهل كل هالضجة عليها وبعدين القصيم ما شاء الله مليانه شرائح سنبوسة احسن من غوار واحنا سكان الرياض دايما نطلب من القصيم
مثل الميدان وفيه نوعين اطلبي الفاخر وفيه الأرياف وابو صالح وفيه وحدة بس ما اتذكر اسمها شكلهم هالسنه طايحين فيها ببريدة