مشكوره اختي وما قصرتي
سمعت ان عنكم محلات تبيع القطعه على 5 دنانير ...... تسوى والا مب شي ووين صايرين

وياريت تستفسرين لي عن تاجير السيارات يعني من وين وبكم في اليوم

ومحلات لملابس اطفال بنتاتي خصوصا وين احصل بغيت اخذ لبنتي للعيد

مشكوووووورين

حيااج الله افا علييج بس ..
سألت الوالد عن التأجير و قالي تقدر تأجر من المطار.. يعني لما توصلون بالسلامة في مكتب تأجير هناك .. اذا تبين من بره باجر اييب لج الخبر الاكيد و ادق عليهم و اسال عن الاسعار ..
اتوقع تبين سيارة عائلية و الا صالون عادية ؟

محلات تبيع القطعة ب 5 د!! في واايد محلات اسعارها اقتصادية يعني مجمع النقرة و السالمية القديمة كلها بهالاسعار .. و بصراحة ما ادري عن الجودة او النوعية ..
لكن اسمع انهم زينييين .. و هم اتأكد لج ان شالله ..

محلات بناتية احنا خبرة لاني اختي صغيرررة ... عندج لحظة من فضلك بالمهلب عنده اشياء
حلوة .. بالسالمية kids store وااايد حلووو محلي و انا صغيرة و من ارقى محلات الاطفال
اذا رحتي لا تنسين تسألينه عن البضاعة المخصوم عليها .. تلاقينها ماركة و سعرها وايد حلوو ..

في بسوق شرق محل اسمه انوتا بجانب البودي شوب .. في قسم اطفاال شغلاتهم حلوووة تنانير غريبة و منفوشة و حدها ستايل .. اكييد يعجبج و اسعاره وااايد حلوة ..
هم شرق فيه محلات اطفال حلوة IKKES و و انتي تتمشين فوق هم تلاقين محل حلوو بس غالين و قطعهم مو غريبة واايد ..

هذا اللي اذكره الحيين .. باجر ان شالله استوجب الوالدة بالتفصيل و اقولج اسرارها الخطيرة لانها واايد تعرف اماكن ما عليها دووس وايد و حلوة ..

حياااج الله حبيبتي .. اي وقت

هلا حبيبتي انشغلت الصبح ماقدرت ارد
المحلات اللي تبيع القطع على خمس دنانير في مجمع السندس في منطقة حولي شغلها حلو حق الملابس العملية انا حق الدوام اخذ منها واكثر وفي بعد بالمجمع اللي لاصق فيه اسمه مجمع الايوب نفس الشي وبنفس المنطقة في مجمع النقره الجنوبي ومجمع النقره الشمالي وايد حلوين اذا رحتي مجمع السندس لا ايفوتج في محلين بالدور الثاني ايبون سوالف غريبه وتقليد الماركات درجة اولى وفيه بعد مكياج شارمل وايد حلو ملابس بناتية عندج في مجمع الراية محل اويللي لا يعلى عليه بس غالي اما المحلات العادية راح تلقين منها في كل مجمع راح اتروحينها عسى يمديج بس الوقت وبالنسبه حق الشوارع وايد شوارعنا سهله ومنظمه اكثر من عندكم وايد لان الدوريات بكل مكان فيخافون فلا اتحاتين وايد احسن لكم من التكاسي اتاجرون من المطار احسن واضمن واي شي محدد ابالك احنا مستعدين قوليلي رحلتج كم يوم عشان اسويلج برنامج كامل واريحج وقوليلي تبون ترفيه وتسوق والا بس تسوق

ماقصرتو والله كفيتو ووفيتو :)

اختي انا بروح يوم الثلاثا وبرجع الجمعه

ابي محل الي فيه شغلات حريم كبار << حق الوالدهـ يعني بوشيات وخرابيط العجايز

وابي محل حق البنات الشابات يعني جنط غريبه ملافع وتنانير وكلششي :)