بنات الكويت افضل مركز لاطفال الانابيب وين؟؟

شدعوة ماكو ولا كويتية بالمنتدى؟؟

هلا حبيبتي أولا أسفرت وأنورت واستهلت وأمطرت وحياج الله معانا


حبيبتي أنا سمعت عن مستشفى لندن بالفنطاس عند الدكتور باتريك مدير المستشفى ... سمعت عن وايد بنات من بعد الله حملوا على إيده ........

وأيضا الدكتورة هدى الزكري سمعت انها زينة ولكن أنا رحت راجعت عندها وما كملت سبحان الله .... حسيتها خرعتني شوي فنفرت منها .........

وعندج الدكتورة فوزية القطان أيضا يمدحونها .......

وإن شاء الله الله يرزقنا بالحمل بالقريب العاجل

أنا سمعت هدى الزكري ووايد وايد يمدحونها.............

إنزين احد يدري جم التكاليف حق اطفال الانابيب بالكويت ؟
انا هم محتاره شسوي ؟

هلا فييييكم
مشكورين على الرد

انا اختي تعالج عند هدى الزكري وسألتها عن تكلفة اطفال الانابيب

وقالت ان لما ياخذون البويضات ويلقحونهم مع الحيوانات المنوية يتكون كذا جنين بس يغرسون بالرحم بس 3 اجنة والباجي يجمدونهم حق مرات ثانية

وتكلفة هالعملية 900 دينار كويتي + عملية الارجاع تقريبا 500 + ابرة تثبت الاجنة 150 دنار كويتي

يعني تكلفة العملية كلها تقريبا 1550 الى 1700 ينار كويتي