بنات الكويت // البحرين ... أي وحده عندها فكره عن طبخ القباقب .. بليزز مساعدتكم

السلام عليكم

قباقب الكاري
المقادير:
- 7 الى 10 حبات قباقب متوسطة الحجم
- بصله متوسطه مفرومه ناعما
- 3 حبات طماطم مقطعه ناعما
- ملعقه صغيره فلفل اسود وكركم
- 2 ملعقه وسط كاري
- شدة كزبره صغيره مقطعه ناعما
- 4 فصوص ثوم مدقوق ناعما
- 4 ملاعق كبيره زيت
الطريقه:

- ينزع ظهر القبقب ويزال مافي القبقب من الداخل ويترك لحم القبقب
- يغسل جيدا ويصفى من الماء ويقطع الى نصفين
- يرفع قدر الطبخ ويوضع الزيت والبصل ويحرك البصل الى ان يصبح ذهبي اللون
- يضاف الثوم ويقلب مدة دقيقه ويضاف اليه الفلفل الأسود والكركم
- تضاف الكزبره وتقلب جيدا ويضاف الطماطم والكاري مع ربع كوب ماء ويغطى القدر وتترك مدة 10 دقائق على نار متوسطه.
- يضاف الملح حسب الرغبه وتضاف القباقب ويغطى القدر وتترك 5 دقائق وبعدها تقلب القباقب(حتى تختلط مع الكاري) وتترك 5 دقائق أخرى وتقلب وهكذا حتى تستوي (المده 30 دقيقه)

وبالهنا والعافيه

ملاحظه: بالنسبه لكيفية تنظيف القباقب يوجد على بطن القبقب شكل مثلث يرفع باليد ويسحب الى الأعلى ويخرج ظهر القبقب
-

تسلم وماقصرت يا بوفهد ...
ابصراحه طريقه يديده وان شاء الله تعجبهم ...

بس اذا ماعليك كلافه اذا في طريقه ثانيه للقباقب لاتبخل علي ... بليززززز الله يجزاك الجنه :26:

ابي شي سهل ومافيه حمسه بصل ..

عمرك شفت وحده بتطبخ قباقب وخايفه منهم هههههههههه
ابي اخذهم جذي واقطهم بالجدر بس مادري اشلون الطريقه .. كل الي سالتهم قالوا لي الله يعينك على الريحه ومحد علمني ..

واذا حولك واحد حـدّاااق أصلي الله يخليك اساله لي ..

ومشكور وماقصرت :26:

أختي شوفي منيو الأخت العفة ومثبت فوق.. فيه طرق عن القباقب.. وان شالله تفيدج.. واذا فيه شي راسليها ومابتقصر بتخبرج..

السلام عليكم

للأخت العزيزه فديتك للقباقب طبخات كثيره ومتنوعه بس الظاهر حمسة البصل مشكله عندكم . اسهل طرق لطبخ للقباقب بدون حمسه بصل هي المشوي او المسلوق .

الطريقه للمسلوق:
-10 حبات قباقب مغسوله جيدا وتصفى من الماء (وبدون تنظيف البطن كما ورد في كاري القباقب)
- نصف كوب ماء
- 3 فصوص ثوم
- ملعقه صغيره فلفل أسود

يرفع قدر الطبخ على نار متوسطه ويضاف الماء والثوم والفلفل الأسود الى ان يغلي الماء وتضاف القباقب ويغطى القدر ويترك 10 دقائق وبعدها تخفف النار ويترك 30 دقيقه .

وبالهنا والعافيه .

اختي المسافرة مشكورة وماقصرتي ياعمري الحين اطل على الموضوع ... :26: :26:




اخوي كويني أبوفهد مشكوووووووووووووووور وماقصرت ايه هذه الطريقه الي بغيتهاااا :) ...
والله موهي سالفه اني مالي خلق احمس البصل السالفه اني خايفه اجيسهم خخخخخخخخخخخخخخخخ
حاسه انهااا عقااب هالاكله ...

وان شاء الله اجرب طريقتك واذا صار بيني وبين القباقب صحبه وتفاهمنااااا ان شاء الله اجرب طريقه الحمسه والكاري ...
وهذول كلهم لك :26: :26: :26: :26: