بنات الكويت ... الحقوني بردودكم

للأسف ما أقدر افيدك ..:(
لأني مو من الكويت<<أجل ايش مدخلك موضوعي..




ما هان علي ادخل وما اقولك....
تروحي وترجعي بالسلامه..
وأكيد اخواتنا بالكويت ما حيقصروا معاكي..
وما أوصيكي بان تخلي لهالسفره طابع مميز وحليو ..
علشان تفتحي نفس زوجك على السفر مع بعض..
يعني حتى لو لاقدر الله كان فيه ملل لا تنبهيه واخلقي لكم جو خااااصٍ..

بالتوفيق غاليتي وابقي طمنينا الكويت عامله ايه..
:26:

الله يسلمك حبيبتي .. يعلني ما أخلى منك و من ذوقك يا أحلى امورة :26:

كان فيه مواضيع بقسم التسوق عن الكويت و الاماكن السياحيه فيها .. بس للاسف القسم كله اختفى ما ادري وينه ..

بس في الكويت عندك شارع الخليج العربي على البحر كله مطاعم امريكيه و مكسيكيه و لبنانيه و مطاعم عالميه .
عندك السينما في المجمعات التجاريه التاليه ( الفنار) ( مارينا مول ) (ليلى غاليري) في السالميه و (المهلب) في حولي و (سوق شرق ) في منطقة شرق قرب دوار السيف و في الويك اند ينزلون افلام جديده .

بالنسبه للاسواق .. عندك شارع سالم المبارك في السالميه و فيه المجمعات التاليه
بلازا السالميه - غاليريا 2000 - مركز سلطان( سوبر ماركت كبير) - مذركير و توب شوب - لاند مارك - مجمع زهره - مجمع شاهه و في مقابلهم مجمع الثريا - الوطنيه - الربيع - الفنار - البستان - ليلى غاليري - تالا و مجمع مريم . و كذلك في السالميه مارينا مول و عبري الجسر الي الواجهه البحريه و المطاعم و القعده هناك حلوه مع جونا الحلو هالايام .
في حولي عندك المجمعات التاليه
بلازا حولي - السندس - الايوب - العثمان - المهلب - بيروت - و النقره الشمالي و النقره الجنوبي
في مدينة الكويت عندك المجمعات التاليه
الرايه في فندق كورت يارد - الصالحيه في فندق الماريوت و هذه اكشخ المجمعات و عندك المثنى - و سوق شرق و مجمع الاوقاف حيث اغلب المجمع دراريع .
في مدينة الكويت الاسواق الشعبيه هي في منطقة المباركيه
و ان كنتي تريدين سوق الاقمشة فهو في مدينة الكويت و اسمه المحلى ( البلوكات) و يقع بالقرب من غرفة التجاره و الصناعه.
في منطقة الفحيحيل (جنوب الكويت)
مجمع الكوت (جديد) و مجمع اجيال و مجمع كويت ماجيك
و الاماكن الترفيهيه ..
حديقة الشعب - شوبيز - المركز العلمي و لا يفوتك الاكواريوم حيث الاسماك عجيبه و هذه في السالميه
مرح لاند في الصباحيه و قرب الفحيحيل (جنوب البلاد)
المدينة الترفيهيه في الدوحه (شمال الكويت)

هذا اللي في بالي الحين و ياريت احد من المشرفات يساعدك تلاقي المواضيع اللي عن الكويت و اللي كانت في منتدى التسوق .. و ان شاء الله ما اكون تاخرت عليك .. و حياك الله في الكويت :)

الف الف الف شكر يا حبيبة قلبي يا زينة
نردهالك في الافراح ان شاء الله :27:

حياج الله .. و ان شاء الله تستانسين بالكويت يا رب ..و بالسلامه مقدما :)