بنات الكويت اللي تبي صابونة الكركم تدخل...

مرحبا...
شلونكم بنيات أحلى منتدى..
شوفو...من كثر ما مدحوا صابونة الكركم بالمنتدى وقالوا البنات أنها تصفي البشرة وتشيل الزيوان وتنعم و...الخ قلت لازم اشتريها...
والله حست كل مكان ... وعلى أساس أن الصابونة هندية... ماخليت مكان فيه هنود مارحته..
والله رحت أماكن عجيبة ما تلقين فيها كويتي واحد..تقولين جنج بالهند..ويطالعون فيني كاني ياية من كوكب ثاني..
وفتريت وماخليت هندية ولا هندي إلا سألته عن الصابون وهم مايدرون شالسالفة..
وستحملت روايح ومناظر حلوة علشان هذي الصابونة...
المهم بعد ما كنت خلاص أبي أيأس لقيتها...اف اشكثرت تعبت..
دخلت محل( ماني قايلتلكم وين إلا اذا رديتو علي نذلة صح) (على فكرة المكان هم كله هنود واذا تبون الصابونة صج تستحملون) لقيت صوابين اشكثرررررررررر وكلها هندية وبالأعشاب..
عاد أختكم جنت... ورحت أقرا على كل وحدة شنو مكوناتها..
ولقيت ذيج الصابونة اللي تعبتني وياريت تطلع تستاهل كل هذا التعب..
اسمها إمامي...وهي صابونة غلسرين عشبي مع الكركم والزعفران..
طبيعية 100% وريحتها قووووووووية..ريحة أعشاب.. صنع الهند..
خذيتها علطول .. وشفت صابونة البابايا اللي تبيض وصابونة الصندل وصابونة بالأعشاب ..واايد أنواع..وكلها طبيعية..وعندهم كريمات اندونيسيه وفلبينية شكثرهم..بس أنا ما أعرف شنو الزين فيهم..
عاد رزيت ويهي عند صاحب المحل( كويتي مو هندي ياريت كان هندي يكون أحسن وايد) وسألته اذا يقدر يجيب بضايع اندونيسية( قصدي شامبو ميتال اللي يطول اللي حست عليه بعد وما لقيته) قالي ياريت تقوليلي الأشياء الزينة علشان أجيبها..
وقلتله عن الشامبو وكتب اسمه وقالي راح يحاول يجيبه..
وشفت كريم كيلي بس لقيته مو الأصلي وقالي أنه ما حصل الا صنع اندونيسيا وتايلند..وكيلي الأصلي البنات كاتبين انه صنع الفلبين...عاد قلت بنفسي أكيد ماراح يحصل الأصلي..






اف تعبت من الكتابة...يلا عاد ردو علشان أقولكم المكان...
:06: