مشكوورة ام عبوودي على المعلومات .... انا شريت اكثر شي من جونيورز بجاماتهم حلوة والوانها حلوة واتيي البجامة مع الكبوس والدسوس والمهاد والصدرية هذا الحلو فيهم ...

وللأسف ليلحين ما عرفت بنت والا ولد من النحاسة كلما اروح يكون مسكر ريوله بس انا وراه والزمن طويل .... قاعدة اخذ الالوان اللي تناسب الاثنين واذا عرفت راح اكمل على حسب اللي في بطني ...

راح اروح انار وبريماما انشالله لأني ما شريت بجامات مخمل للبيبي ولادتي راح تصير بالشتا ولازم اخذ ودخت مالقيت شي حلو مذركير تلوع الجبد بضاعتهم وجونيورز مانزلوا شتوي ....

وعرفت اسم محل الككاو اللي بالشعب اسمه غاستو وشغلهم يهههههبل بس غالي يعني الككاوه الوحدة يزينونها لج جنها غصن اتهبل شي فخم بدينار .... يعني اذا بتاخذون كمية كبيرة مايصلح ....

سؤال اخير ..... تقريبا شكثر يلزمني اخذ ملابس للبيبي اول 3 شهور يعني الفنايل الداخلية والاوفراولات وغيرها ... ؟؟

رفرف انشالله تولدين بالسلامه
بس وين جونيرز وبريماما ؟؟

وانا اقول حلاتها تكون مفاجاة بس هم الوحده ودها تعرف عشان الوان الملابس .. بس شي حلو انج تخلينها مفاجاة لانهم مرات يخطئون في جنس الجنين

يبيلج ملابس وايد .. لان الطفل يرجع ويوصخ وكل يوم لازم غسيل وغير هذا يكبر شوي
تقدرين تشترين شي غالي عشان مايخترب بالغسيل وبجذي توفرين ( وانا اقتنعت بالغالي مو عشان اخشه للبيبي الثاني .. لالا .. عشان اغسل والبس ) :27:
بس باليوم يمكن اقل شي مرتين تغيريله
بعدين من صجج ماراح تشترين للبيبي ورا الاربعين ؟؟

شرايكم بمستشفى دار الشفا ؟؟
ياليت اللي ترد تكون والدة من فتره قريبه او تعرف وحده توها والده

وشنو احسن
الهادي والا دار الشفا والا السلام ؟؟

ياليت اللي تجاوب ماتكون بجريه

لاتنسو اسرانا
اول شي حبيبتي مشكورة على الرد وجونيورز هو قسم الاطفال بلاندمارك وشغلاتهم حلوة والكل يمدحها .... وبريماما تكلمت عنه الاخت ام عبوودي بردها وانشالله ناوية اروحله اليوم واقولج اذا فيه شي حلو والا لا ....

وانا اشوف الشغلات اللي بلاندمارك حلوة ومو غالية يعني تلقين احلى بجامة عندهم بدينارين ونص وخامتها حلوة وتكد احسن من بضاعة الاسواق الشعبية وحتى بالشكل احلى وفرق السعر مو وايد يسوى يعني ....

وانا شريت ملابس لي عمر 6 شهور شسوي اللي يعجبني ويكون صيفي اخذه حق الصيف لما يكبر البيبي انشالله :) بس ابي اعرف العدد اللي يكفيني لأن البعض يقولي لا تكثرين حق اول 3 شهور البيبي بسرعة يكبر مايلبسهم ... وناس يقولون العكس كثري منهم لأنج تحتاجين تغيرين له وايد .... فأبي اعرف راي وحدة مجربة شكثر يكفيني بالضبط ؟؟ ...


ناطرتكم ...

لا تنسو اسرانا حبيبتي انا اقصد الككاو الحين كله لون البيج الاوف وايت يعني قلت موضه الوردي والازرق فهمتيني :) :) :)

رفرف صج امس رحت لاند مارك منزلين والله بجايم الوانها تينن شحلووووووهم ورخاص مايسوا سعرهم والله عموما اسعاره رخيصه لاند مارك مقارنة بالمحلات اللي بره
رفرف تكثرين من الاشياء اللي تحتاجينها اكثر شي مثل الفنايل (عند لاند مارك احسن نوعيه شفتها للحين ) والمهادات العاديه اللي عند عيد النصار وعند لاندمارك نفسهم بس في نوعيه عند عيد النصار نصيحه لا تاخذينها توبر وتتمغط بعد اللي تكون معاها خيوط والبجايم شلون ماتكثرين منهم والبيبي مايقعد بساعه ببجامه وحده يا بول مسرب ولا مرجع ولا شيات لازم تبدليله والله انا اعررف وحده تقول قالولي لا تكثرين بجايم عقب الاربعين كله بيصغرون عليه تقول ماخذيت الا شويه ويوم ولدت تقول من كثر مابدلتله مالحق قعدت الياهل مفصخ وراحت امها تشتريله بالله ليش اخلي روحي بهالحاله !!؟ والله انا ولدي ثلاث شهور وانا البسه مقاس نيوبورن هاهاهاهااهااها يمكن ولدي حاله خاصه محلل ملابسه :)

اصلا انتي من عقب الاربعين تبدين تكشخين ولدج بدل ودلاغات وجواتي وكبابيس اخذذذذذذذذذذذذذذذي المصاريف الله يعينه ويعينج :)

والله انا بولد بالمواساة مو علشان شي بس علشان دكتورتي شاطره وانا ابيها تولدني والله السهاله من الله ويسخر لج السسترات اللي بيعتنون فيج مثل يوم انا بالصباح ولدت المعروف السسترات نفوسهم خايسه ويلوعون الجبد بس سبحان الله الله يابلي وحده طول ما انا اولد واهي تمسح على راسي وتوسطت للدكتور تعطيني ابره تنومني اسمعها تقول للدكتور حرام هاذي صغير بكر مايعرف خل يعطيها ابره والله عطتني ياها يزاها الله خير مادري شالسالفه الا بطلعه الراس مع اني عمري ماشفتها وولدت وصعدوني ومادريي منو هالسستر كنت بشكرها ماعرفتها


بس كل وحده المكان اللي ترتاحله تروحله انا اشوف المواساة اهدى من الهادي لويه وزحمة جنج قاعده بسوق مو بمستشفى :27: