بنات الكويت انا عروس جايتكم من الرياض بليز ساعدونى

مرحبا بتس مليون حبيبتي بالكويت

شوفي عندك الصالحيه فيها ماركات وفي محلات حلو تبيع شنط مو ماركع بس غريبه وماتقلد

مثل نيرو بمجمع المهلب

وفيث في شرق

وعندتس المارينا ترى فيه اشياء روعه تهبل من جميعه يعني تمشي فيه وتفرجي

وفي مجمع مفتوح في حولي عند المهلب اسمه البحر ترى فيه اشياء حلوه

واذا بغيتي جلابيات بما انتس عروس

روحي الفراونيه عند العربيد وعند الحمرا مول والصيفي بلاس

وفي مجمع مناور في الفراونيه بعد فيه ملابس للعرايس راقيه اقصد طبعا ملابس البيت والنوم

وعندك مجمع الكوت في ابو حليفه اظن يمدحونه بس ماجيته

وبالنسبه للمطاعم عند مغل محل والدانه وفريدركز فندق النخيل اظن في سلوى مو متأكده والهليتون

في ابو حليفه

واذا تبين شنط تلقين بعد في المثنى عند تيجان غاليه بس تسوى


واتمنى اني افدتس

ومنورتنا

مضيعه عقلها مشكوره حبيبتى

العربيد هذا محل ولا مول

وينكم يابنات الكويت... وين الفزعه

وش دعووووووووووووووووووووه

هلا اختي فيج بالكويت و الله يسعدج ان شالله
بالنسبة لطلبج ان شالله افيدج فيه :

أولا شي بالنسبة للمولات :
- الصالحية : مثل ما قلتي فيه الماركات : شانيل - اجنر - فندي - شوبارد - جفنشي - وغيرها
-فيلا مودا : هم كله ماركات عالمية من ملابس و شنط و احذية : جوتشي - ايف سانلوران - دي اند جي - فيرغامو - برادا وغيرهم.
- مجمع الراية : ايضا كله ماركات : بربري - بالي - ومحلات ملابس حلوة
-الثريا : فيه محلات الأسطورة ملابس ماركات
- مجمع زهرة : أغلبيته محلات ملابس نسائية كشخة
-مجمع ليلى جاليري : إذا عندج مناسبة أو حفلة هذا المجمع كله بدل حفلات راقية و فيه محلات مصممين لبنانيين - وفيه بالسرداب محل عبي كشخة و الكافتيريا مالته (بامبام) وايد حلوة وأكلها لذيذ

بالنسبة للمجمعات اللي ماتكون غالية واايد وفي متناول الجميع :
- الفنار : هم فيه ماركات مثل جوتشي و تيفاني - و فيه محلات أرخص يعني متنوع- وفيه سينما
-المهلب : حلو وهادي وفيه سينما
-مارينا مول( محلاته زينة والكافيهات حلوة بس لاترحين له في الويك اند بتكرهين رووحج من الزحمة - وفيه له واجهة على البحر وكافيهات و مطاعم واايد حلوة بس الله يعينج على الزحمة واللوية- وفيه سينما )
-سوق شرق(فيه كافيهات برة عند النوافير حلوة- وفيه سينما)
-الكوت ( أحلى شي الكافيهات اللي برة عند النافورة بالليل شي عجييب طبعا اذا كان الجو حلوو ويساعد- وفيه سينما)
-البستان
-كويت ماجيك
- بلازا السالمية ( فيه محل مكياج لخبيرة التجميل الكويتية ليلى العرادي واايد حلوو )
- جاليريا 2000 ( فيه محل للمصممة عواطف الحاي للدراريع )

وبالنسبة للعربيد اللي ذكرته الاخت فهو عبارة عن مجمع كلة خيايطة هنوود ودراريع بس
ان شالله بس أفدتج بالنسبة للأسواق والمجمعات

يتبع المطاعم