بنات الكويت بليز ساعدوني

هلا اختي

ملابس الكويتيات تلقينها بكل سوق مثل شرق واغلب اسواق السالميه

وسوق المهلب على شارع بيروت فيه محلات بدل حلوه

الجلابيات عندك مجمع الاوقاف على شارع القاهره عنده موديلات حلوه

وفيه مجمع العربيد بس مارحت له

حاضرين للطيبين وتشرفينا بزيارتش لبلدش الكويت
يا هلا ومرحبا ...
العاصمة : سوق شرق - الراية - المثنى - الصالحية وكلها راقية اما السوق الحلو
وفيه الرخيص فهو سوق المباركية ...
واذا تبين سوالف وشغلات الفلبينيات من كريمات وغيره روحي لسوق المتحدة وهو قريب من الصالحية خلف مخفر الصالحية بالضبط اسالوا اي احد عنه اذا تعرفون دوار الشيراتون بوسط الديرة من توصلون الدوار اسالوا اي احد عن سوق المتحدة ... وهناك بتلقين محل بيت اولادنا فيه شغلات حلوة ورخيصة وحواليه اكثر من 25 محل كله اغراض الفلبينيات بس اذا مثلا بغيتي شي وقالوا لش دينارين قولي لا ابيه بدينار لأنهم يعرفون انش مو كويتية

السالمية : مجمع البستان - الفنار - ليلى جاليري - تالا - زهرة - وكلها في شارع واحد يقابلهم مركز تجاري شامل يسمونه مركز سلطان وايد حلو وهو تقريبا مثل اسواق التميمي بس على اكبر واشمل
في ظهر المنطقة السوق العادي واسعاره متفاوتة بين الرخيص والوسط والغالية اسالي عن مجمع منيرة وهناك انزلي تحت لفاشن مل تلقين ملابس رخيصة لبجايم الاطفال والنساء وللخروج أحذية اكسسورات شيلات وحجابات وملابس داخلية واسعاره وايد حلوة وحوالين هالمجمع توجد محلات ومجمعات
ومقابله تلقين المارينا مول وهو مجمع راقي جدا وبجنبه مارك اند سبنسر
وجنبه مجمع الاذينه وفيها محلات تجهيز الصالونات وممكن تتسوقي اشياء وايد حلوة تستغني فيها عن الصالونات من شامبو وكريم للشعر وزيوت وشمع وغيره
خلف هالمجمع مطعم كويتي اسمه فريج بوصويلح وايد حلو وجوه كويتي قديم ويقدم لش اكلات كويتية ...
سوق الحوش بالسالمية مقابل مارك & سبنسر موديلات الجنط و الاحذية اكرمكم الله باسعار حلوه و مناسبه . وتقليد الماركة
حولي :
مجمع السنام
مجمع النقرة الشمالي ويمده بجسر مشاه لمجمع النقرة الجنوبي
الشمالي غالي شوي وتلقين فيه ملابس وجلابيات وقمصان نوم غالية ووسط بس الجنوبي رخيص وفيه القمصان الطويلة على 65 ريال وكذلك البنطلون ب 65 ريال واشكال وايد وموديلات حلوة
مجمع بيروت وفيه دور كبير لفاشن مل ايضا وفيه زيادة شغلات حلوة لديكور البيت
المهلب هاتف : 2662020 ، لعنوان : حولي شارع المثنى
على فكرة مثل السعودية المجمعات الكبيرة تلقين فيها سلسلة المطاعم الشهيرة ...
مجمع العثمان العنوان : حولي ، شارع بن خلدون

مجمع بلازا هاتف : 2633191 العنوان : حولي ، شارع العثمان
مجمع السندس العنوان : حولي ، شارع العثمان
مجمع الأيوب العنوان : حولي ، شارع العثمان
وهالثلاث بجنب بعض والايوب تلقين فيه منتوهات وعبي اما السندس فتلقين فيه احذية واكسسورات وشيلات وتلقين احذية تقليد الماركات فيه وكذلك بالايوب اما بلازا فهو للماركات وبعض المحلات الشهيرة بس ممل عندش الايوب والسندس راح تستانسين فيه

الفحيحيل :
مجمع اجيال هاتف : 3913924 العنوان : الفحيحيل ،شارع السوق
مجمع الكوت العنوان : الفحيحيل الطرق الساحلي
مجمع كويت ماجيك هاتف : 3710866 ، العنوان : ابوحليفه مقابل البحر الطريق الساحلي رقم 211
والان في مجمع جديد وايد حلو اسمه المنشر في نفس طريق الكوت بس عاليمين
مقابل هالسوق هناك سوق شعبي رخيص وفيها ملابس للبيت وبيجامات للاطفال رخيصة كد ومد سعرها حوالي 20 رايل او 15 ريال وتلقين العبي والشيلات بسعر رخيص وداوما ساومي في الاسواق العادية

بجانب هالسوق من الناحية الثانية او اسالوا اي احد يدليكم مجمع الدبوس والعنود تلقين فيهم جلابيات وعبي وشيلات وايد حلوة واسعارها حلوة مو رخيصة وانتي ماشية راح تلقين وايد محلات واسالي عن شهبندر الامارات عنده شغلات وايد حلوة وسعرها يجنن ...

الفروانية :
الحمرا مول تخصص جلابيات تجننننننننننننن كذلك العبايات والشيلات موديلات ما تخطر عالبال ومحلات متعددة بين هالمجمعين متخصصة باشياء كثيرة بتلقين محل VIP وهو في موديلات كثيرة لملابس الاطفال حلوة وسعرها حلو
مقابل هالمجمعات مجمع المغاتير وهو يجمع بين المحلات الغالية والعادية

نجي للمطاعم
ميس الغانم هاتف : 2460456 ، العنوان : شرق ، شارع الخليج العربي مقابل ابراج الكويت هذا المطعم اسعاره في متناول اليد واكله لذيذ
قصر يلدز هاتف : 2455212 ، العنوان : مدينة الكويت ،شارع الشهداء برج حمود
برج الحمام هاتف : 2529095 ، العنوان : شارع الخليج العربي
مطعم يوناني
زوربا هاتف : 5715124 ، العنوان : السالمية ، شارع الخليج العربي
هذا مطعم تاكلون منه بعدين تكسرون الصحون
مطعم اسباني
فيفا اسبنيولي هاتف : 5755668 ، العنوان : السالمية ، شارع سالم المبارك ،مجمع الثريا
المطاعم الامريكية
1. تشيليز هاتف : 2452200 ، العنوان : شرق ، شارع الخليج العربي بجانب ابراج الكويت
2. جوني روكتس هاتف : 5754040 ، العنوان : السالمية ،شارع سالم المبارك
3. فدركرز هاتف : 2407103 ، العنوان : شرق ، شارع الخليج العربي
4. تي جي آي فرايديز هاتف : 2544300 ، العنوان : بنيد القار ، شارع الخليج العربي
5. أبل بيز هاتف : 2407536 ، العنوان : شرق ، شارع الخليج العربي / ابوحليفة ، الطريق الساحلي مجمع المطاعم
6. روبي تيوزداي هاتف : 2444454 ، العنوان : شرق ، شارع الخليج العربي
7. هارد روك كافيه هاتف : 9823354 ، العنوان : السالمية ،شارع الخليج العربي مقابل مركز سلطان
8. بفلوز كافيه هاتف : 5728989 ، العنوان : السالمية ، شارع الخليج العربي مقابل المركز العلمي
فيلا فيروز هاتف : 2652030 ، العنوان : الشعب ،قطعه 8 ، شارع 80 ، بناية 1 مطعم لبناني
مطعم: قصر البردوني اللبناني
1-الموقع في السالمية علي شارع الخليج
2- يتسع ل 800 شخص
3- جلسات خارجية و داخلية
4- يقدم ثلاث وجبات اليوم طوال أيام بالأسبوع
5-بوفية الأفطار2.900 دينار= بوفية مفتوح + تعين طباخ خاص لبخ وجبة معينة لك
6- يوجد بة ألعاب للأطفال
من الخارج
هذا موقع المطعم وفية التلفون و العنوان و قائمة الطعام مع أسعارها.
http://alberdawny.com/_wsn/page5.html

هناك في شارع الخليج العربي هيلوكبتر تقوم بأخذ الركاب في جولة في اجواء الكويت مدتها 10 / 15 ربع ساعه ..
ويمكــن لأاي شخص ان يركبها مقابل مبلغ 25 دينار للشخص الواحد ..
وهذي فنادق وفيها كلها طبعا مطاعم يمكنكم الاتصال والاستفسار عن المطاعم الموجودة
شيراتون الكويت
المنطقه: العاصمة
تلفون: 2422055(965)

فوربوينتس شيراتون الكويت

المنطقه: العاصمة
تلفون: 2415001(965)


جي دبليو ماريوت

المنطقه: العاصمة
تلفون: 2455550 (965)

كورت يارد ماريوت
المنطقه: العاصمة


راديسون ساس

المنطقه: البدع
تلفون: 5756000 (965)


سفير انترناشيونال

المنطقه: العاصمة
تلفون: 2530000 / 2533000 (965)

كونيلتنال

المنطقه: بنيد القار
تلفون: 2527300(965)

كراون بلازا

المنطقه: الفروانيه
تلفون: 2000 474(965+)

منتجع الهيلتون

المنطقه: شاطئ ابوحليفة
تلفون: 5500 372 (965)
ريـتـز
المنطقه: الواجهه البحريه(يقع بلقرب من شارع الخليج)
تلفون: 2510999(965)

مطعم البستان على نفس شارع الخليج العربي
مطعم بام بام بمجمع ليلى جاليري بالسالميه شارع سالم المبارك
مارينا كريسنت مقابل مجمع المارينا مول بشارع الخليج في وايد مطاعم حلوه مثل اشاز الهندي وتوتالي فيش للاكلات البحريه
مطعم الأمم في منطقة شرق
هذا اللي اتذكره وان شاء الله اكون افدتش يا الغالية ومرة ثانية حياكم الله في الكويت

مشكوووووووووووووووووووووووووووووووووووووووووووووووووووووووووووووره الغاليه وايد وايد مشكوره شرحتيلي الكويت كلها مشاالله عليج ...

وانشالله بزور الكويت جريب وبطبع موضوعج وبوديه وياي ...

مشكوري وماقصرتووووا .... والله انه اهل الكويت طيبين...