شكرا لكم خواتي ويعطيكم الف عافيه على الردود الى توسع الصدر:)
بس احتمال اشتري طرحه الزواج من هناك اذا فيه طرحات حلوه وناعمه وشعرها مناسب بحدود 1500 ريال وين القاهم الله يعاقيكم لاني الاسبوع الجي رايحه انشالله ادعولي والله يوفق الجميع ويهنيكم يارب قولوا امييييييييييييييييييييين :) واي شي مهم اني اروح له عطوني العنوان وانشالله اقدر اروح يعني مثل البيجامات اليبت الى تكون حلوه عشان البسها عند اهله بعض الاوقات وتكون ساتره شوي وين القاهم لانه سمعت انه عندكم بسوق الساليمه الى بره المجمعات فيه محل يبيع بيجامات لاسينزا بسعر رخيص مره معقول عدل هالكلام ولا لا ؟؟؟؟؟؟؟؟؟ وشكرا لكم :)

ريم

حياج الله بالكويت

حبيبتى تبين شى مميز و رخيص

1 - مجمع العربيد بالفروانية ( خياطين ) عنده دراريع و بدل مطرزة تقليد لكل مصممى الدراريع المعروفين

و شغله حلو و نظيف و رخيييييييييص يعنى من 10 دنانير الى 30 دينار ... و يخلص لج البدله بيومين

بس عيبه انه شغله مكرر يعنى تلقين البدله الودة مكررة عند كل الخياطين ...

بس لأن انتى من برا الكويت فماراح تكون هذى مشكله لج

فأنصحج نصيحة أخت انج تزورينه و صدقينى ماراح تندمين و على فكره القماش من عنده يعنى ماراح تتعبين

2 - تبين اكسسوارت فضة مميزة و رخييييصه بحدود 50 ريال ؟

روحى السوق الايرانى بالشويخ أو سوق الجمعة راح تحصلين الاكسسوارت الفضة اللى تجنن

تقدرين تلبسينها مع دراريعج

3 - تبين ملافع ملونة و مطرزة و مشكوكة خياط كويتى و سعرها من دينار و نص الى 5 دنانير ؟

روحى سوق السالمية الجديد ( الاحمر ) بجانب ادارة هجرة حولى ... هناك راح تلقين الى جانب الملافع :

- بديات و تنانير و بناطيل و برمودا روووعه سعر القطعة 5 دنانير

- و فيه محل نوران و توب شيك و ناين وست راح تلقين فيهم اشياء تعجبج

4 - تبين عطورات و مخلطات عندج الشايع و أمل الكويت لهم أفرع فى كذا مكان

5 - تبين بيجامات ناعمة من قطعتين أو ثلاث بسعر من دينار و نص و ثلاث دنانير ؟

روحى للسالمية فيه محلات مقابل ماركس أند سبنسر ...

و بالذات المحل اللى من دورين تلقينه على الشارع بالضبط

رووووعة صراحة بيجاماته و عنده أرواب بعد .

6 - تبين بدل سهرة رووووووعة عندج محل مونتانا فى مجمع بيروت أو فرعه الثانى فى مجمع المهلب

و كلهم فى منطقة النقرة سعر البدلة بحدود 300 ريال بس بدل فخمة و توها نازله

7 - تبين شنط و جزم تقليد ماركات و خاصة كريستيان ديور ؟

فيه محل فى مجمع مناور بالفروانية فى السرداب عنده هالأشياء

هذا اللى أذكره الحين و اذا ذكرت شى ثانى بكتبه

ان شاءالله أكون فدتج و الله يوفقج يا رب

reeem_22

اختي بالنسبه لبيجامات لاسينزا فعلا متوفره في بعض محلات سوق السالميه " اللي يم دوار الجوازات وهجرة حولي "

حتى البيجاما الوحده على 3 دنانير وكميه محدوده ... اللي في المحل حلف لي انه مو تقليد وانها من ماركه لاسينزا بس كميه محدوده .. حتى خامتها وايد حلوه والوانها حلوه ..

حتى قبل جم يوم شفت بالجريده اعلان من لاسينزا انه في محلات تبيع بضاعاتهم .. ومايصير جذي لانهم الموزع الوحيد بالكويت ..

وترا سوق السالميه اغلب بضاعتها بيجامات للبيت حلوه واسعارهم تبدا من دينار ونص بس حلويين :27:

وحتى سوق الكويت في بيجامات حلوه ونفس بضاعتهم ..

:26: