نا عندي احلى مكياج بالكويت عند مدام هبة اللي كانت بصالون كريستال بس الحين راحت صالون بيور بالسالمية لما تروحين من طريج الدائري الرابع صوب مطافي السالمية تلفين الاشارة يسار يصير على يمينج مطعم مروش لفي اللفة مالته وامشي سييييده شوي تلقين على يسارج عمارة وردية جديدة وكبيرة فيها محل الهاتف الاوروبي هذي عمارة الصالون
صدقوني انها تغيركم 180 درجة وتطلعج وحدة ثااااااانية
وغير انها انسانة متجددة يعني مومثل الاء دشتي اللي مادري الناس شلاقين فيها نفسها اللهم ياكافي والمكيج تحطه للكل نفس الرسمة بس اللون غير
هبة ممتازة واسعارها معقولة
30 دينار للمكياج
واللي فيها عيوب تحتاج تغطية 40 دينار
وتركيب الرموش 8 دنانير
صدقوني اللي تجرب مكياجها عمرها ماراح تروح لغيرها
وهي قبل ماتحط المكياج تسألج بشرتج جافة ولا دهنية؟
تبين مكياج ناعم ولا متوسط ولاقوي؟
تبين لون بشرتج ابيض ولا طبيعي؟

وتعطيج احلى من اللي في بالج

صدقوني اهي احسن وحدة تحط مكياج بالعالم بدون مبالغة

سلااااااااااااااااااااام للكل
ممكن اخت احساس رقم منيره الفرج
ضروووري ويعطيج العافيه

بنات تكفون بعثولى على الخاص رقم تلفون منيرة الفرج

ارجوك اخت احساس ارسليلى رقم منيرة الفرج والاخت اللة باخير ارسليلى رقم مدام هبة او صالون بيور والاخت شمس بدر ارسليلى رقم صالون حنان ومنو اللى سوتلكم مكياج شنو اسمها ومشكورين جمييعا ويعطيكم الف عافية

تصدقون عقب ما تابعتكم حسيت بالندم لاننا حاجزين في الشيراتون لعرس اختي وهي معانا حتى مكياجهم غالي عن الباقيين 250 دينار والمرافقات 40 دينار لو ما دفعنا عربون كان الغينا الحجز يا ليتني قريت هالموضوع من قبل .
الحمد لله على كل حال .