بنات الكويت : منو جربت صالون حنان دشتى ؟

البرتقاله

الله يوفقج يارب

و ييسر أمورج

و يفتح بوجهج كل باب مسكر

و يحقق لج كل أمانيج

مشكووووورة على هالمعلومات اللى فادتنى

صباح الأنوار و الروايح العطره يا :: عود مبخر ::

تسلمين يا عمرى مشكوووووورة ما قصرتى

و فعلا انا رحت لحنان دشتى ما عجبنى شغلها على البنات و العرايس

و حجزت وحده اسمها أم خالد من صالون الأصاله تجى البيت

يمدحونها حيل

و كلمناها تاخذ 50 دينار شامل الماكياج و الشعر و كريم الجسم و الرموش

مع انى ما أبى لا رموش و لا كريم جسم فمادرى شلون تحدد سعر واحد على كل البنات

حتى الشعر يختلف طوله و المفروض يختلف سعره

بس أهم شى انها بالبيت أريح صراحه من حوسة الصالونات

و اذا ما عليج أمر طرشى لى أرقام الصالونات اللى ذكرتيهم

لأن المناسبات كثيره ماشاءالله

الله لا يحرمنا و اياكم الفرح

و مشكورة حبيبتى ما قصرتى

عود مبخر
الله يهداج ليلى العرادى نفسه حلوه !!!!!!!!!!! من متى ؟؟؟؟؟
تكلمج من طرف خشمها وياويلج ان تكلمتى والمكياج كله نفس الشى وتطلعين من تحت ايدها سمره كريم اساسها اسمر ... انا واختى جربناها وقلنا تووووووووووبه بعد نروحله والله يومها كل من نقد على مكياج اختى قالوا اول مره نشوف عروس مكياجها جذيه اشعلامه !!!

انا صراحة ماحب شغل الكويتيات لعدة اسباب
اولا هم مودارسين تخصص تجميل
لا بس كل وحدة راحت لبنان وخذت جم دورة وقالت انا عندي شهادة
والخبيرات اللبنانيات يدخلون مدرسة خاصة ويدرسون 4 سنين وياخذون شهادة نفس مالت الجامعة مو اي شي

ثانيا هي على بو كويتية حضرتها شايفة نفسها
ومايعجبها احد يقولها ماعجبني شغلج ولا تقوليلها تبين شي معين
بتقولج ليش انا مااعرف شغلي؟؟
يعني بالله شلون نخليهم يشخبطون بويوهنا ونسكت
والله انا عندي اللبنانيات فاهمين شغلهم واحسن مليون مرة وصج صج خبيرات

عود مبخر
اهااااااااااااااااااااا طحنا عليييج شفتى انتى قلتيها بنفسج موصين عليج ايه انا سمعت اللى تعرفهم والا موصين عليهم تحطلهم شويه احسنمن اللى على باب الكريم مثل حلاتنا ماتعرفهم نوعيتنا تعطيهم نفس اللهم ياكافى تقولين جنه يايين نطر من بيت ابوها مودافعين فلوس لا وتطنز علينا لوما ان احنا كنا بعد الله سبحانه تحت رحمتها جان صكيتها باكبر ماعندى وخليناها تولى بس ورانا حفله وياريتنا خليناها تولى على الاقل المكياج اللى نحطه حق روحنا وايد ابرك من اللى اهيه حطته