بنات الكويت وكل من زارت الكويت بسررررررررررررعه

شوفي بالنسبه للسكن احسن شي تحجزون عن طريق النت اول شي ارخص ثاني شي تتفرجين على الغرفه وتحددين انتي تبينها قريب من وشو وتحددين اي شي تبينه اذا عندك او عند زوجك بطاقه فيزا ادخلي على موقع اسمه BOOKING هذا الموقع فيه فنادق لجميع انحاء العالم انا كل سفرياتنا احجز منه اذا ماعرفتو ارسليلي واشرحلك بالتفصييل والحلو فيه ان مايسحبون من بطاقتك بس يحجزون المبلغ

انا رحت لها قبل ٤ سنوات تقريبا ،،وصراحه ابد ماعجبتني ،،مدينه قديمه وممله شوي رغم اننا كنا ساكنين في ارقى فندق وارقى منطقه عندهم وكل زواجات الهوامير عندهم يحطونها بالاوتيل هذا ،،بس المنطقه نفسها على رقيها ممله مافيه ذيك الوناسه ،،
واسواقها مافيها زود ابد ارقى شي عندهم مجرد مولات مثل طقه الحياه مول وصحارى، ،فيها ماركات طبعا واتوقع كل الماركات عندهم مثلنا بس انا قصدي الاسواق نفسها مو مبهره مثل الرياض او المراكز التجاريه العالميه ،، لا غييير ماعندهم نواطح وابراج ،،عاد مدري عنهم الحين ،،ولاحظت شي غريب عندهم ،،تلاقين سوق رااقي ومرتب والشارع حليو ماعليه وتلاقين جنب السوق هذا بسطات،،هذا شي مره لفتني صراحه ،،
المطاعم حبيت عندهم فريج صويلح حلو مره يشبه القريه النجديه عندنا بس على طاولات ،،،لاتفوتينه اكل كويتي جدا لذيذ،،،،اتعب وانا اقول لذيذ
عندهم بعد منطقه المارينا كلها كافيهات وجلسات حلوه ويمكن هذا احلى شي بالكويت حتى هم دايما يحاولون يبرزونه والجو حلو هالايام في الخليج ،، ،،،،عندهم الاكواريوم او النادي العلمي مدري المركز العلمي او شي زي كذا نسيت صراحه حلو وممتع روحيله خاصه اذا كان عندكم اطفال ،،
،الاسواق ودي اتذكر اسمائها بس ماذكرت الا زهره هذا الظاهر اذا انا مو ناسيه فيه الماركات الراقيه اكثر شي والباقي نسيته ،،السوبر ماركت ماعندهم اشياء مثل السيفوي وكذا و،،لا كلها جمعيات زيها زي العثيم،،وسألنا عن اشياء عالميه زي السيفوي قالو لنا عن واحد محد يجيه لانه غالي ،،،،الشعب هناك عندهم نظام الجمعيات والبطاقات التموينيه ،،،وجمعياتهم اسعارها زينه ،،بس ماتلاقين الاشياء العالميه والمنتجات الاجنبيه فيها ،،
عموما لاتفكرين الكويت ونيسه مثل البحرين او متطوره مثل الرياض ودبي،،عشان لاتنصدمين ،،،،بس الشعب صراحه ينحط عالجرح يبرى،،شعب حبيب لطيف
وترا الناس اذواق ،،واكرر انا زرتها قبل اقل من اربع سنين ،،يمكن تغيرت مدري

كنا ناوين نروح لها انا والعائلة الأجازة هاذي بس تخيلي مابقى شقق و فنادق ما اتصلت عليهم و كلهم يقولون مافيه حجز
وقت هلا فبراير الحجوزات فل و تكنسلت الروحه و نصيحه لا تروحين لحد ما تحجزين السكن عاد انتي وحظك
و بنسبة للأسواق كنت ناوية اروح الفرونية اسمع كثير يمدحون فيها الجلابيات و العبيات و المكياج

حياج الله ، الشقق ما اقدر احدد لانه الحين شهر 2 و كل شي فل ،

مجمعات : الافنيوز ، 360 مول ، مارينا مول ، الفنار ، سوق شرق ، المهلب ، البحر سنتر ،

سوق السالميه ، البيرق ، ديسكفري مول ، الكوت ، المنشر ، كويت ماجيك ، المباركيه " شعبي " ،

المطاعم : فريج صويلح ، برج الحمام ، ميس الغانم ، قيصر ، مغل محل ، الستينات ، فريج عقاب ،

دعوات ، فريج بن عاقول ، البلد ، فيش ماركت ، فيلا فيروز ، ليلى من لبنان ، زعتر و زيت ،

و شارع الخليج العربي كله مطاعم و حتى داخل المجمعات ،

اماكن حلوهـ و منها تسليه للاطفال : ابراج الكويت ، المركز العلمي ، ماجيك بلانيت " بالافنيوز " ، حولي بارك ،

حديقة الشعب ، المدينه الترفيهيه ، و في متاحف .. ، و تقريبا بكل مجمع في العاب للاطفال + سينما ،

هلا فبراير ، مهرجان .. في عروض و خصومات توصل لـ 75‪% ‬

ياويلي يعني يمكن مانلاقي حجز شقق ولا فنادق
:(
الله يستر