بنات الكويت ومكياج الحفلات

أميرة الاحلام ..هلا والله انشاء الله بنعينج عشان انا مثلج :(
شوفي انا بفهم شنو الله مايثبت!! الظل ولا كريم الاساس !!
اذا الظل انا بقولج طريقه ثبته امه يتحرك :)
شوفي اول شي الجفن كله تحطين عليه اما ابيض عاجي لماع (عند الهنود بعلبه مدوره ولمعته قويه مادري شنو اسمه ...برجوا فيه منه) بعدها حسب لون الظل اللي بتحطينه تختارين قلم ...اقصد قلم اللي نستخده للعيون من داخل ازرق ولا اخضر اللي تبينه ...مثلا اذا انا ابي ظل ازرق اختار قلم ازرق افضل فيه لمعه ....وحطه على كامل الجفن المتحرك رايح جاي رايح جاي ...بعدها بفرشات الظل .( انا استخدم فرشات ماك 224 اعتقد هذا رقمهافظيعه بالتوزيع ..ومك اب فور افر عندهم بعد) وخفف القلم بطريقه عموديه يعني اصعده شوي على عظمت الجفن ....وطبعا لي حطيتي القلم مو بي لحد اخر الرمش حطيه لمستوى الظل اللي تبينه ......بعدها تحطين الظل الازرق (عند الهنود علبه كامله زرقا اظن اسمها فلورا شي فيها 64 لون حلوين صراحه والظل فيها شكله دوائر صغار) بعدها احط الظل مثلا الوردي على الجفن المتحرك تحت الحاجب و بالفرشاه السابقه ادمج الازرق بالوردي (حركي الفرشه بشكل عمودي) ...وذا شفتي انه خفيف زيدي لما تقولين بس ...بس ديري بالج زاوية العين الداخليه مو تحطين عليها ازرق يعنيعن الجفن بس :)

بكمل

اييه ايييه نسيت اقولج قبل كل شي حطي كونسيلر اذا تحبين او كريم اساس تحت العين وبعده بودر عشان بعدين تقدرين تنظفين هالمنطقه :)

بعدها الكحل ..,... المائي طبعا اهو الموضه ....انا استخدم شسيدو بس يمدحووون ماك و 4افر...شلون تستخدمينه سالفه صراحه بس بقولج والله يعينج ....بفرشات من ماك انا شاريتها او حتى بودي شوب حطيها فى الماي بس بس مو سبوح بس تبليل بعدها حطيها بالظل تمسحين يعني بعده جربيها على ايدج لشفتيها ماي ردي حطي اما اذا شفتيها جنها ايلاينر غمضي عينج ومن المنتصف الا نهاية الرمش العلوي وبالسمك اللي تبينه زيدي او نقصي بعده (طبع كل شوي تحطين فى الماي و على الظل شغلانه بس النتيجه حلووووووووه ) عند نهاية الرمش مدي خط اسود لي تحت بس مو وايد الي مستو الرمش السفلي بس (امتداد الرمش مو تصكينه ) ماشي ...
الحين نجي لزاويه الداخليه العليا نفس الشي بالفرشاه كانج تكحلين من الداخل وطلعي الي بره الي المنتصف فيكون العلوي خلصتيه ..بنفس الطريه سوي للرمش السفلي ....واملئي الفراغات اللي بين الرموش السفليه بالفرشاه جنج تنقطين ليمن يصير اسود:)

بعدين همن بالظل اشبكي الخط اللي سويتي امتداد الرموش العلويه شبكيه بالخط حق الرموش السفليه يحني تسكرين العين :) وحطي الظل ليما تحسين انه صار اسود (شوفي بتحسين انج مبهدله بس ترى لا بعد شوي شي ثاني ) وممكن تزيدين الكحل اللي تحت العين على كيفج :) بعدها بالفرشاه حاولي تدمجين هالزاويه بالظل الازرق بحركه دائريه للداخل ..فاهمه شلون ..بس مو تكثرين بس عشات تخففين من حدة الاسود

بعدها نظفى الفرشاة عدل شيلي السواد كلللللللللله ....وروحي للخط اللي مديتيه تذكرينه (يعني الزاويه اللي انتي سويتيها الخارجيه وبالفرشاه بحركه سريعه ومره وحده مدي الكحل لي برا راح يعطي خط خفيف (شفتي البنات احيانا تشوفين الظل حيل مرتب من الزاويه الخارجيه ترى كله من هالخط :))

ايه الحين بلون فاتح مثلا ازرق بلمعه على فضي حطي على الزاويه الداخليه من فوق وتحت قريب من عضمة الخشم عشان يعطي اتساع للعين وحطي علي الكل بعد بطريه طبطبه بس الزاويه الداخليه ....ومن نص الاسفل للعين حطي فوق الكحل لون ازرق شوي غامق بالطبطبه على الكحل عشان يموهه

بعدها عدلي الحواجب بالظل الاسود وحطي المسكره وكحل ازرق داخل العين بحيث دفينه شوي وتحطينه داخل
بعدها ...شوفي تعرفين الاسفنجات اللي شكلها مثلث ماكو احلى منها حطي عليها شوية اساس وبشكل دقيق مسحي المنطق اللي تحت العين (هذا اذا ماكنت حاطه بودر) وعلي حد الكحا اللي مدته بشكل سريع عشان يعطي شكل نظيف وزاويه احلى

وبعدين حطي بودره بلمعه تكلمت عنها اختي عديمة الوصايف موجوده عند الهنود اسمه جست قولد
وبالهنا والشفا..
هذا اللي اقد عليه واتمنى اني افدتج والبركه بنات الكويت :)

يلا سلاموووو

واااو فيمتو مشالله عليييج

عزيزتي اميرة الاحلاااام

اتبعي كل خطوة قالتها لج فيمتوو

ولا تنسين قبل كل شي .. تنظفين وجهك بتونك .. وتحطين ماي ورد عليه .. وبعدين امبولة بايوت هذي فظيييييييييييييعه للتثبيت والله ما يتحرك
وكريم الاساس والبوردة .. بس لما تحطين كريم الاساس نطري عليه شوي علشان لما تحطين البودرة ما تتراكم وبعدين حطي البوردة

وبعدين عاااد الخطوات اللي قالتهااا لج فيمتوووو

الشيخه اسيل :

يعطيج العافيه بعرف اسم الامبولات

شيخة مررررررة وحده :D

هذي الله يسلمج امبولات بايوت PAYOT

وتلاقينها بالمركز الفرنسي او بيضون

تحيااتي