بنات الكويت وين أولد (بمستشفى المواساة أو الهادي)؟؟؟

السلام عليكم
أختي لولو الحلوة عندهم
أنا توني والده من 14 يوم فقط
بصراحه مستشفى الهادي عجييييييييييييييييه
الولاده عندهم وانصحك من كل قلبي
واانا ولدت عند دكتورة اسمها برافين
ممتااازه واعتنت فيني وايد
والولاده تكلفك من 500 دينار وفوق حسب الغرفة اللي بتاخذينها
الغرف اسعارها من 25 دينار بالليله إلى 160 دينار بالليله
والولاده لحالها 450 اضيفي عليها سعر الغرفة وبقية التكاليف
وأي سؤال أنا مستعده

السلام عليكم والله الاثنين مستواهم راقى بس مستشفى المؤساة اغلى شوى وانا ولدت اعيالى الا ثنين بمستشفى الهادى وكان روعة بس كان هذا الكلام من 15 سنة والحين مادرى
صديقتى ولدت بمستشفى الراشد وكانت تمدحة على يد الدكتورة ايفا تقول روعة الولادة 350دينار عندهم بس ابغرفة مزدوجة :26:

مرحباً لولو الحلوة،،،
بصراحه حبيت أساعدج في الإختيار و أنصحج لا تروحيين لا للهادي ولا للمواساة، الهادي غالي على الفاضي وأمي عانت منه يوم جابت وحده من خواتي وحرمت تدخله مرة ثانية وتنصح كل النساء اللي نعرفهم أن مايروحون له، أما المواساة الجديد اللي بالسالمية فعلى الرغم من أنه جديد و الإعلانات اللي مستمرين في عرضها بالتلفاز إلا إنه سمعته بالحضيض ، وأنا أنصحج بدار الشفاء الجديد أختي ولدت فيه مرتين وخالتي ومرت خالي وحتى عدد المراجعات (النساء) اللي يراجعون قسم الحمل والولادة قاعد يزيد وهذا كله شوف عيني يوم كنت أراجع مع أختي خاصه أنها سوت تنظيفات عندهم لإنها مجربه رعايتهم واهتمامهم ،
أتمنى أكون فدتج بشي أو على الأقل ساعدتج في الإختيار وشكراً :)

انا توني والده من 3شهور بمستفى المواساه بصراحه رووووووووووووووووووعه وارخص من الهادي كلفتني الولاده هناك 370 او373 دينار........ بس كنت عند الدكتور الافغاني وكل البنات يمدحون دكتوره شاديه هناك

الله يهون عليج ويقومج بالسلامه

على فكره بعد الولاده باسبوع يدزون لج ممرضتين وحده تكشف على الخياطه وتعلمج شلون تهتمين بنفسج والثانيه تكشف على البيبي وتعلمج كل شي او كل سؤال يخطر ابالج

السلام عليكم ورحمة الله وبركاته


اختي لولوه الحلوه

انصحج وانا والله صادقه وربي يشهد



انصحك ب
البتعـــــــــــــــــــــــــتاد ثم الابتعــــــــــــــــــــــــــــــــاد عن مشتشفى هادي

وشكثر اسمع عنه بلاوي........؟؟؟؟

انا بنت خالتي ولدت عنده كانت بجر شنو العبوا فيها؟؟؟

خدروها ماتحس بالولاده بالمره ولما نزلوها للجناح قعدت يوم كامل ماتحس فينا بالمره وينزف منها نزيف موطبيعي

ولما سألنا عن سبب النزيف قالوا من الولاده وقاموا يجيبون قوالب ثلج ويحطونها على النزيف على (المهبل)؟؟؟؟

تخيلي والده ويحطون لها الثلج على هالمكان الخطير...؟؟؟؟؟؟

واحنا ياغافلين لكم الله...؟؟؟؟

ولما طلعت للبيت والله اسبوع كامل موقادره تمشي بروحها ولاتقعد وحالتها حاله

وبعدين بعد النفاس طلعت قرحه برحمها.........؟؟؟؟؟


والسبب ...؟؟؟؟؟؟


لما ولدوها جرحوها من داخل وطلع هذا هو سبب النزيف اللي نزف معاها بالمستشفى ......؟؟؟

تخيلي المصيبه .....؟؟؟؟؟



واخت مرت اخوي ولدت عندهم وبعد الولاده بيوم جاها تنفخ غير طبيعي بجسمها

واليوم الثاني صار جسمها السفلي كله اخضر على ازرق وتنفخ وصار يخرع

تعرفين لما شافوها صار فيها جذي شنو سوو...؟؟؟

والله يالولوه زفوها وعطوها تحويل لمستشفى الحكومه وقالوا مالها عندنا علاج...؟؟؟

تخيــــــــــــــــــــــــــلي الحقــــــــــــــاره.....؟؟؟؟؟

والحين المسكينه موعارفين سبب اللي صار لها ولا علاجه ....؟؟؟؟؟؟


والله يالولوه انا ما اجذب عليج ولا لي مصلحه بالجذب عليج

واللــــه شــــاهد على ما أقــــوله

وانا انصحج وانصح كل وحده تفكر تروح لمستشفى خاص بالذات مستشفى هادي

وانا انصحج تروحين لمستشفيات الحكومه بالذات مستشفى الفروانيه والله عنايتهم حلوه وبضمير يهتمون بالمرضى
لأن عليهم مراقبه من الحكومه ومستحيل الخكومه تجيب ناس اي كلام مثل اللي بالمستشفيات الخاصه يجوبون دكاتره اي كلام علشان ماياخذون منهم معاشات كبيره .... بعكس الحكومه عرفتي والفرق.....


وانتي على راحتج


والله يسهل عليج ويرزقج بالذريه الصالحه

واتمنى انج تدعيلي بالشفا لأني بحاجة دعواتكم لي ولخواتي ولخالتي ولخوي

والله يستجيب لنا اجمعين ولعباده اجمعين

والصلاة والسلام على سيدنا محمد خاتم الانبياء



وتقبلي تحياتي

اختك / غلا الدلوعه:26: