بنات اللحقوني خلاص انا على حافة الجنون (مشكله عوييصه جدا)

السلام عليكم
بنات انا خلاص بموووووووووووووووت
اغلبكم يعرف اني مملكه وان اهلي مطفشيني ويتضايقون من خطيبي ويتضايقون اذا جاء وشافني او قعد عندي

بنات الحين والله تو ابوي متناقش معاي نقاش حاد وطويل يقولي خلاص خلال شهرين بالكثير لازم تتزوجون
ابوي عنده القلب وما اقدر اناقشه واجد
قلت له انا ادرس وهو يقول مانتزوج لين تخلصين دراسه قالي مو عذر تقدرين تتزوجين وتدرسين انا نفسيا مو مرتاح من وضعك

بنات خطيبي مايبي نتزوج الحين يبيني اخلص دراستي ويضبط وضعه المادي وبعدين نتزوج وانا ضايعه
ضغط من اهلي
وضغط من خطيبي
وضغط من دراستي
وخاصة اني احتمال ارسب في مادة وهالشئ بيأخرني سمستر كامل يعني سنه ونص واهلي مستحيل يصبرون ابوي وامي على الطالعه والنازله يتهاوشون معاي حتى لو الموضوع ماله علاقه بالزواج يفتحون موضوع الزواج
ذاك اليوم تخيلوا الى اي حد وصل الضغط تهاوشت مع اختي الصغيره في الابتدائي هوشه عاديه مادريت الا امي تقول متى تتزوجين وتطسين عننا


بنات خلاص بمووووووووووووووووووووووت
طفشت من ضغط اهلي وطفشت من برودة اعصاب خطيبي
وطفشت من كل شئ

بنات ماني طالبه غير دعائكم
تكفون بنات لاتتخلون عني
ابي دعائكم وللي عندها حل لاتبخل علي فيه
ادعوا لي ان الله يعجل في زواجي من خطيبي وادعوا لي ان الله يسخره لي ويسخر لي اهلي واننا نتزوج بسرعه


الله يحرم وجهها النار ويوفقها ويرزقها اللي ترد علي