بنات اللحقوني شئ مضيق صدري ولا ادري وش اسوي

السلام عليكم بنات وش اخباركم وش علومكم

بدخل بالموضوع
انا مملكه بعضكم يدري

المهم زوجي يشتغل في مستشفى

المهم امس قهرررررررررررررررررررررررررررني طقيت بغيت اموت وانا عندي قولون عصبي ومن امس مانمت من القهر والتعصيب صار بطني يألمني ومانمت من الالم والقهر

انا ما احب البنات اللي يغارون بشكل جنوني وانا اثق في زوجي مررررررررررره بس امس قالي انه في المستشفى يشوف بنات وااااااااجد وقالي بصراحه ما اكذب عليك واقولك انهم مايعجبوني لا فيه اكثر من وحده صراحه حسيتها تعجبني

انا انقهرت وسكت قالي شكلك تضايقتي قلت ايه قال والله انا واحد من اصحابي محذرني اني ما اقولك كل شئ قلت له صاحبك معه حق مو كل شئ ينقال حتى انا ما اجي اقولك كل شئ احس فيه مراعة لمشاعرك ولا حتى انا لي عيون واشوف ناس بس عمري ماقلت لك فلان اعجبني ولا فلان ما اعجبني

قالي طيب وسكرنا

ما ادري وش اسوي بنات انا اموووووووووووووت فيه ومقهوره ليه هو يناظر البنات وانا عمري مافكرت اني اناظر رجال او حتى اعلق اذا فلان حلو ولالا لاني فعلا ما اشوف احد غيره
وش اسوي
كيف اتصرف في المواقف الي زي كذا ؟
اتهاوش؟
اسكت؟
ما ابي اسلوب الحريم اللي يطفشون ازواجهم ويشكون فيهم احس اني اكبر من كذا واحس انه هو اكبر من اني اجلس اسأله كل شوي
ابي اسلوب منطقي اتعامل فيه مع المواقف الي زي كذا بناااااااااااات لاتخلوني
قولولي وش اسوي