بنات الله يجزاكم الجنه يارب ،، شورة الشوفان

ابشري حبيبتي

قطعي بصله صغيره اونص بصله متوسطه مع فص ثوم قطع صغيره
ضعيها بالقدر وحطي عليها شوي زيت ووخليها على النار الى ان تذبل
سكري النار وضعي 7م ك شوفان وربع كاس ماء وحركيه وضعي ملعقه ك معجون طماطم وم ص ملح وم ص كمون
ضعي ماءمغلي عليهم مقدار 2كاس وحركيه وخليه على نار عاليه وانتي عنده اذا غلت الشوربه خلي النار هاديه ولاتسكرين الغطى كله خليه شوي مفتوح علشان ماتفور
ضعي 2عود قرفه
وكل شوي حركيها وذوقيها ان احتاجت ملح زيدي
ومدة طبخها ثلث ساعه وبالعافيه
ايه نسيت تبينها بالحم نفس الطريقه اذا حمستي البصل حطي اللحم ومويه مغليه الى ان تستوي وضعي الشوفان
واتمنى اني افدتك
وتقبلي مروري

هلا اولا احمسي بصل با القليل من الزيت ثم اضيفي اللحمه واحمسيها مع البصل ثم اضيفي لها البهارات والليمون الا سود العدل وخليها تقريبا 10 دقايق ثم اضيفي لها الماء الساخن مخليها تطبخ لما تستوي واذا استوت اضيفي الشوربه مع الماء الدافي في قدر صغير من غير النار وحركيهم في المضرب اليدوي علشان ما تتكتل ثم اضيفها الى اللحمه واضيفي الصلصه وخليها تطبخ والملح تكونين اضفتيه قبل ماتستوي اللحمه بربع ساعه واذاتبين تطبخين الشوربه اذا اضفتي الماء على اللحمه مو مشكله تكون الذ وباالعافيه

:)

بشرح لك الطريقه مع المقادير على طول
اولا افرمي بصل وثوم وتكون كميه وسط وحطي عليه زيت وقلبيه حتى
يتحمر خفيف وحطي عليه بهارات و فلفل اسود و حبة ليمون اسود وقلبيه شوي بعدين حطي اللحم او الدجاج المقطع وقلبي ثم ضعي شوية معجون طماطم وحبة طماطم مقطعه صغير تكون اطيب من المفرومه وبعدين قلبي حتى ينهرس الطماطم ثم ضعي شوية مويه حوالي نصف كوب وغطي عليه عشر دقايق وبعدين جهزي الشوفان انا احطه في الخلاط حوالي 3او4 ملاعق شوفان مع شوية مويه وافرميه ثم زودي مويه مغليه في القدر حوالي كوبين وكبي الشوفان عليه حطي ملح وخليه يطبخ حول ربع ساعه
واذا شفتيه ثقيل زودي شوية مويه واذا كان خفيف زودي شوية شوفان
وسلامتك اتمنى اكون افدتك

مشكورين وجزاكم الله خير