بنات الله يجزاكم خير ادعوا لصديق ولدي الله يشفيه

السلام عليكم ورحمة الله تعالى وبركاته
بنات والله اني اكتب والعبره خانقتني اليوم ولدي جاي من المدرسه يقول جاتنا ممرضه قالت لنا عن صديقي صار له فتره غايب وماندري ليش يقول قالت لنا الممرضه انه الولد تعب وصار فيه صداع ومع الوقت زاد عليه وسو له فحوصات وطلع معاه ورم خبيث بالراس استأصلوا جزء منه والباقي ماقدروا يوخرونه الله يشفيه وتقول للطلاب انه الولد عالجوه بالكيماوي وانه الولد ماعاد فيه شعر واذا جاكم زياره لاتسألونه عن السبب لان الولد مايدري شنو فيه قال لها ولدي وهو يبكي صديقي راح يموت ؟؟قالت له انت ادعي له ويمكن دعوتك تنجيه رغم انها كنديه كافره بس كلمتها اثرت في ولدي بس انا ما اوعدك انك تشوفه السنه الجايه بالمدرسه لاحول ولاقوة الا بالله
والله اني اتذكر سوالف ولدي معاه ومغامراتهم مع بعض الولد مسلم اعتقد باكستاني جمعته مع ولدي المدرسه الاسلاميه الي عندنا اليوم ولدي يسولف عنه ويبكي عمره 8 سنوات الولد كبر ولدي بسم الله على ولدي والله يشافي الولد ويرفع عنه تكفون ماكتبت هالكلام الا لاني ابيكم تدعون وحتى لو ماتكتبون شي بس كل ماصليتوا ادعوا له فديتكم لاتخلونه له صوره عندي الولد مصور مع الفصل صوره تذكاريه كل ماشفتها بكيت حزنت عليه والله ادعوا له يابنات لعل في وحده بينا تستجاب دعوتها والله لايوريكم في نفسكم ولا في من تحبون مكروه والله يحفظكم من كل سوء اللهم آمين والله يجزاكم خير بنات اذا مارجعت للموضوع اعذروني لاني مشغوله هالايام ودي اجيب له هدايا افرحه فيها الله يفرح اهله بسلامته آمين

اللهم رب الناس اذهب الباس اشفي حمدان اللهم انت الشافي لاشفاء الا شفائك شفاء لايغادره سقما

أسأل الله العظيم رب العرش العظيم ان يشافي حمدان

اللهم آمين
والسلام عليكم ورحمة الله وبركاته