وين بقية الاخوات..

حبيبتي ادعيله بالهدايه والصلاح
وبعدين نظمي وقته
لجا من المدرسه ممنوع الخروج من المنزل فتره العصر خليه مع والده يطلع معه يروح معاه المفروض السن هذا يكون مع ابوه
فترة المغرب جلسه عائليه
كذا خليه يتعود ولاتحرمينه من الطلعه بس بحدود ومع اللي انتي تعرفينهم وتعرفين اهاليهم

واسمحيلي يالغاليه
والله يصلحه لك يارب ويحفظه

يعني وش بتسوين له
اذا هو في راسه شي ماراح تفيد مراقبتك له لاني بيسوي اللي يبي من وراك
ترى كلنا كنا نبحث ونستكشف من ورى اهالينا والحمدلله ماصار لنا شي
انتي دايم انصحيه وقولي له قصص يمكن تأثر فيه ويصير كل مانوى يسوي شي يفكر في كلامك
واهم شي ركزي على انه مايدخن - لانه لو طاح في التدخين وش بيفكه منه حتى لو عقل
وعالعموم هذا جيل هالوقت يبون يعرفون كل شي
فلا تضيقين صدرك مره - اكيد مايبي يكون اقل من اصدقاءه

ومثل ماقالت مرايم الكويت - لاتشدين عليه مره عشان مايكون انطوائي
واذا تقدرين خذي وعطي معه في كل شي عشان مايخبي عنك شي بشرط تكونين متفهمه له ولاحتياجاته
يعني دايم اجلسي مع بناتك وهو يكون معكم وكل وحده تقول وش سوت اليوم وانتي تجاوبينها بعقل
عشان يتجرأ ويقول لك ويصارحكم باللي عنده
الله يهديه ويخليه لك ان شاءالله

حبيتي اول شي الله يهديه ويصلحه ويبعد عنه اولاد الحرام وان شاءالله يبر فيك

اول حاجه نصيحه مني خليك ام وصديقه له بنفس الوقت لاتكوني حازمه معه مررررره

ولا ترخين وتخليه مايعمل لك اي حساب

حلو تشدي وترخي

سولفي معاه وش سويتوا اليوم انبسطتوا ولا لا ؟ خليه يحسك مهتمه بأموره وهو بيسولف لك وساعات بيجي من نفسه ويحكي من غير ماتساليه

ما انصحك ماتخليه يطلع تظلميه لازم يكون له اصدقاء وله تجاربه

انتي دايم من تحت لتحت اعطيه نصايح لكن لاتوجهيها بشكل مباشر

سولفي ساعات وانتم مجتمعين ولا تخلي الكلام موجه له قولي سمعت بالتلفزيون ولا صديقتي قالت لي وانتي تتكلمي لاتوجهي الكلام له سولفي مع الكل عن قصص لاولاد اانحرفوا جتهم امراض وووووووووو

صدقيني بيركز بكلامك لانه مو موجه له مباشره

اهم شي اذا حب يطلع تحددي وقت يرجع فيه وان تأخر حاسبيه وازعلي منه

لأن تربيه الولد صعبه اذا انتي ما احتويتيه وتفهمتي له لاقدر الله يدور احد يفهمه برا البيت

وبالنسبه لنت خليه يجلس عليه
ومثل ماقالوا تحفظي محادثات الماسنجر وتتابعيها

وتعرفي المواقع اللي يدخلها


فيه شي انا بنصحك فيه لاتدخليه نادي رياضي لان بالعكس بهالعمر بيصادف ناس بمختلف الاعمار واغلبهم مايعلم بحالهم الا الله والاهتمام والتركيز بالنوادي مو ذاك الزود

اذا حسيتي ان خوفك قل عليه اوكي مايمنع


واهم شي تفهمي ولدك ولا تكوني تعاتبي وتنصحي خليك قريبه له وان شاءالله راح يتغير

والله يخليه لك وان شاءالله ماعليه خوف ووراه ام مثلك تخاف عليه

الله يخليلك اياه ويهديه انا ما اعرف انتي وين بلسعوديه بجده فيه نادي اسيا انا مسجله ولدي فيه ميزته انه صاله كبيره مفتوحه على بعضها يعني ما تخافين عليه وحتى انتي ممكن تشوفين النادي من بره وولدك جوه الصاله لان واجهتها زجاج تشوفين الاولاد يلعبون بس العاب قوى يعني شوفي ميوله انا ولدي مسجلته تكوندو وماشاء الله من اول شهرين اخذ الحزام الاصفر المهم تعرفين هو وش يفضل من انواع الرياضه وتشجعينه عليها ومايخالف النت باوقات محدده مايضر بس اوقات الامتحانات لا لانه يشغلهم ومايحسون بلوقت اما ال(هجوله)لازم تشوفين لها حل