تقوميييين بالسلامه الغاليه... :)
واذا تريدين اي شي من الامارات فالج طيب

هلا حبيبتي ولاتزعلين ولاشي ...ان شالله بنساعدك باللي نقدر عليه
اول شي في الخبر بالسويكت فيه محل اسمه العيسائي للاطفال بالدور الثاني فيه الله يعينك على ركبة الدرج فيه أسرة مواليد تهبل مرررره خياليه وجنان بس اسعارها شوي بتكون غاليه

في الدمام عندك بشارع الحب محل حق مفارش اسمه سهى بتلاقين جنبه مباشره في محل نفس الشي حق مفارش بصراحه مايحضرني اسمه بس هو يخيط لك اي مفرش ومعاه مستلزماته حتى لو تبين ستاره...وعموما بشارع الحب بتلااقين كذا محل حق تجهيز مواليد اعتقد انهم يفصلون

وفيه عندي رقم وحده تخيط مفارش واطقم حق مواليد شغلها مره يهبل يشبه شغل محلات جاكادي بس عيبها تتأخر وانتي مستعجله ..لو تبينه عطيني خبر ارسله لك..

ومدامك بنص الثامن حبيبتي مو بدري ولاشي بالعكس لازم تخلصين هالفتره عشان يرتاح بالك

وان شالله اكون افدتك....والله يسهل عليك وتقومين بالسلامه..بس انتي لاتعصبين وانا لو شفت الموضوع من زمان رديت عليك بس عاد المواضيع هنا بسرعه تطير ورا الشمس يبيلها من يسويلها رفع كل حين أنا موضوعي تعبت منه خلاص خليته ورا الشمس :D قصدي خليته بتوقيعي :27:

يا قلبي أنتِ
الله ييسر لك و تقومي بالسلامة و لاتحرقي اعصابك و توتري نفسك كذا
طوووووووولي بالك ح يمديكِ تخلصي بالوقت المناسب
عندك ( مذركير , سيتي بلازا , بريماما ) ح تحصلي اللي يعجبك و يناسبك
هذا بالنسبة لأسرة البيبي
اما عن المفارش الطقم لك و للبيبي ما عندي علم والله

ان شاء الله أفدتك
بالتوفيق



ضَـــيّ

أختي روز الشرقية وأختي ضي الله يبارك فيكم ويجزاكم الجنة يارب والله أنكم أهل خير من جد إرتاح قلبي يوم قريت الردود بس للأسف متأخر لأني رحت أمس لستي بلازا وأخذت سرير للبيبي ورحت للمتجر العام وأخذت مفرش مقارب لنفس اللون لأني مثل ماقلتلكم ماعندي وقت يوم الأثنين أن شاء الله بسافر على أمريكا لمدة ثلاث أسابيع وبرجع وأنا مستوية على الأخر فكان لازم أجهز قبل السفر مع أني إلى الأن وأنا نفسي طالعة في الطقم لكن أنشاء الله المرة الجاية بأذن الله ....
بالنسبة لقراءة الردود الظاهر الخلل من نفس المنتدى مابيرسل لي إشعار بالبريد أنه في مشاركات أو ردود جديدة ....
والله ماني عارفة كيف أشكركم حبايبي بس أن شاء الله أقدر أخدمكم وقت الحاجة