بسم الله الرحمن الرحيم
السلام عليكم ورحمة الله وبركاته
بنات الله يرحم والديكم اللي تدخل موضوعي تدعي من قلب لأخوي بالشفاء ..
أخوي من عمره 24 سنة ابتلئ بمرض ( التهاب القولون التقرحي ) وهالمرض ماله علاج الا انه ياخذ الادوية
(30 حبة باليوم ) من علاج ومقويات وفيتامينات لانه جسمه ضعيف ويلتزم بنظام غذائي طول عمره .والادوية اثرت على الكبد وسببت له ايضا الاالام في العظام والاالام في الصدر وكحة شديدة على طول . وايضا هو الله يحفظه مناعته ضعيفه وانتقل له مرض السل من سائق تاكسي وازدادت حالته سوء واخذ علاج ضد السل ..
لكن الان جسم اخوي مايتقبل العلاج وزدادات حالته للاسوء .. وجاه نزيف حاد .. والان بكرة راح يعملوا له منظار علشان يستئصلوا القولون ..
واخوي رافض الاستئصال لان معناته خلاص وانتم بكرامة يصير مايقدر يخرج الفضلات طبيعي .. لازم يعملوا له فتحة من بطنه يخرج منه الفضلات . وكل 4 ايام يروح المستشفى يعملوا له تنظيف في فتحة الاخراج اللي بالبطن . وهو في عز شبابه ..
حتى كنا ناوين نخطب له ولما اعرف عن مرضه الى اليوم رافض الزواج يقول ليش اظلم بنت الناس معاي ..
وربي اكتب لكم وكلنا بالبيت امي وابوي واخواني واخواتي حالتنا مايعلم فيها الا الله ..
و امي بس تعرف انه مريض بس ماتعرف عن تفاصيل العملية وغيره لان ماقلنا لها لان هي مريضة بالضغط والسكر ونزيف .. وماتتحمل وربي اكتب لكم وقلبي يعتصر الم على حال اخوي وامي ..اه اه اه .. دموعي من دريت ماتوقف ..
في عز شبابه ابتلى بالمرض وماتهنى .. استغفر الله العظيم ..
يارب انك تشفي اخوي عبد الحليم وترد له صحته وعافيته وطول بعمره يارب لاتحوجه الى عملية وارزقه شفاء لايغادره سقما ..
الله يخليكم ادعوا لأخوي من قلبكم يمكن ربي يجيب دعوة احدكم .. وتكون سبب في شفاء اخوي .. ولاتسون في ملك يقول ولك بالمثل ..
الله يخليكم يا مشرفات عدم نقل الموضوع لان هالقسم مرتادته كثار ..
المتأملة بالله @almtaml_ballh
عضوة نشيطة
يلزم عليك تسجيل الدخول أولًا لكتابة تعليق.
أثيروثير
•
ياااااااقلبي الفتحه هذي شي عادي ويمكن ماتطول وتصير طول العمر
ولو صار شي مستمر قريباتي 2كذا بس الحمدلله رجعوا طبيعي
وأعرف طفل عمره سنتين مسوين له الشي هذا
والغيار موشرط يروح للمستشفى عادي يسويها بالبيت هو من نفسه
وأهم شي في العلاج النفسيه الكويسه
وخلوه ياكل عسل طبيعي اصلي على الريق مع ماء فاتر
وبأذن واحد أحد راح يشفى بفضل ربي
الاهم يستمر على العسل طول 6شهور بدون أنقطااااااااااااااااع
ومن واقع تجربه مع اللي حولي أقولك خليه يتزوج مافيه أي ضرر عليه ولا فيه مشاكل
الله يشفيه ويريح باله
اللهم اشفي (عبد الحليم ) شفاءآ لا يغادر سقمآ
اللهم اشفه وعافية من ما ابتللاة انك سميع الدعاء
اللهم اشفه وعافية من ما ابتللاة انك سميع الدعاء
الصفحة الأخيرة
اللهم اشف عبد الحليم شفاء لايغادره سقم ورد عليه صحته وعافيته واجعل ماابتلي به كفارة عن سيئاته
وبارك له في عمره و وإن شاء الله يطيب وتشوفوه عريس
والصدقه بنية الشفاء قل صلى الله عليه وسلم ((داوو مرضاكم بالصدقه))
اللـــــــــــــــــــــــــــــــــــــهم أميـــــــــــــــــــــــــــــــــــــــــــــــــــــن