بنات الله يرضى عليكم وش علاج الثعلبه؟؟

الله يشفيك عزيزتى اول شي نفسيتك واتركى عنك العلاجات ولا تفكري فيها صدقيني والله ماقلت لك هالكلام الا ان هالحالة صارت لاعز انسانه عندى اختى ......ماخلت شى ومااستخدمته وراحت لدكتور وتخسرت واستخدمت كل شى نصحوها فيه واستمرت سنة مسكينة والثعلبة تزيد ماخفت الا يوم نفسيتها تعدلت ولا صارت تفكر فيها يعنى متى ماطلع الشعر يطلع والحمد لله طلع الشعر احسن من اول ...........اما عن علاج الثعلبة والمتعارف علية هو انك تاخذى حبة ثوم وتقسميها من النص وتفركى مكان الثعلبة فى موية الثوم واستمرى في الفرك اللين تحسي انك ماتقدري على حرارته وانتبهى تتركي اي قطعة ثوم على فروة راسك هذي الطريقة مجربة وتنفع كثيرفارجو منك انك تجربى الثوم ولا تفكرين فيها كثير وعن الريحة لازم تستحملين وحتى زوجك لازم يستحمل عشانك وانتى طبعا تبخري وتعطري عشان تغطى على الريحة الله يرضى عليك.

وعليكم السلام ورحمة الله وبركاته

هلا اختي ولاتزعلين ولاشي ماجعل الله من داء الا وله دواء

بالنسبه للعلاج وعن تجربة وحده من قرايبي :

قدر فنجال القهوه محلب مطحون + قدر نص فنجال القهوه حنا او بدالهم ممكن البياله حقت الشاهي اهم شي ان المحلب اكثر من الحنا

تخلطينهم مع شوي مويه وحاولي تكون ثقيله شوي عشان تمسك في الراس وتحطينهم مكان الثعلبه وتغطينهم ببلاستيك و تخلينهم ساعتين بعدين تغسلين المكان

ثم تجييبين فص ثوم وياليت يكون طازج وتقطعينه بالنص بعدين بالسكين حاولي تسوين فيه ثقوب عشان تطلع المويه اللي فيه وافركي الفص على الثعلبه الين تحسين بحراره في المكان بعدين وقفي واتركيه نص ساعه بس لاتزيدين عليها بعدين اغسليه

ملاحظه
====
مع استخدام الخلطه هذي راح يحمر المكان شوي ويمكن يطلع فيه زي الحبوب ترى عادي لاتخافين لانه دليل على استجابة المكان للعلاج

استمري على وصفة الحنا والمحلب لمدة اسبوع بدون توقف
اما بالنسبة للثوم يفضل تستمرين عليه ،،، انا عارفه انه يحر بس صدقيني حرارته هي اللي تموت الثعلبه سبحان الله

وصدقيني باذن اللي ماتنام عينه انها راح تروح بسرعه وراح يبدى الشعر يطلع على شوي شوي

والحمدلله ياقلبي انك اكتشفتيها بدري لانها تنتشر بسرعه وتاكل الراس الله يكفينا شرها

اهم شي انك تستمرين على الخلطه وتحطينها بانتظام والراحه النفسيه اولا وقبل كل شي والاتكال على الله الشافي المعافي ، وترى العلاج الشعبي افضل من العلاج بابر الكورتيزون اللي تضر الجسم اكثر مما تنفعه

والله يوفقك ويشفيك ان شاء الله

لاتنسيني من صالح دعائك

حاولى انك تعملين تشريط بالموس على مكان الثعلبه وعلى طول افركى مكانها ثوم وبعد

خمسه دقايق اغسلى المكان هذى الطريقه ناجحه

أنـــا من قريت عنوان موضوعك..
وأعديلك بالشفااء.. :)
الله يشفيك عاجلاً غير آجل..
اللهم آميييييين.. :)
على اجر أن شالله..

السلام..
اللى اعرفه انه الثعلبه نوعين .(.ذكر وانثى) على حد كلام دكتور جلديه..المهم اختى لا تشيلى هم ولاشي وصدقينى الثعلبه مرض وقتى وعلاجه بسيط باذن الله..
انا زوجى اصيب بهذا المرض وراح لدكتور جلديه بالكويت شاطر واعطاه حقن بمكان الثعلبه وكريمات وحبوب مقويه لمدة اسبوع .. والصراحه كان زوجى غير مداوم على الدهان والكريم لكن خلال شهر ونص رجع الشعر عادى مع انه كان بادى بالانتشار.. بس توقف ولله الحمد
كذلك انتى راجعى دكتور مختص بالجلديه وشاطر واتكلى على الله وان شاء الله تشفين باذن الله..