بنات الله يسعدكم بخصوص نشاط التبويض / ممكن تساعدوني

الســـــــــــــــــــلام عليكم ورحمة الله وبركاته




أخواتي عندي مشكله بدأت معي من بعد نفاسي

حبيت أسأل اللي مرت فيها علشان أتطمن و أرتاح

أنا ولدت في تاريخ 12 من شهر شعبان الماضي و الحمد لله في نفاسي ما حصل معي

مشاكل أبداً ومر ياربي لك الحمد بكل يسر بس لما قربت تنزل معي أول دوره بعد النفاس

جتني أوجاع مثل الطلق في بطني و ظهري و رجولي أحس كأني فيني طلق خفيف

يروح ويجي

قلت ممكن عادي مع إني جايبه قبل ثلاث أطفال ولا كد حصل معي كذا بس أتوجع وقت الدوره

و قبلها و بعدها بكم يوم

و بعد الدوره الأولى أستمرت الأوجاع لكن أخف شوي لين جتني الدوره الثانيه و صار لي

أسبوع مخلصتها نفس الشيء جاني وجع مثل الطلق و الحين معي أوجاع حتى بعد ما خلصت الدوره

لكن أخف من وقت نزل الدوره

رحت لطبيبه مشهوره عندنا بشطارتها حللت لي كل شيء سليم ومافي مشاكل قالت ممكن قرحه

وطلع مافيني بعدين قالت ممكن نشاط تبويض ما صدقت و حبيت أخذ رأي طبيبه ثانيه و قالت

نفس الشيء نشاط تبويض و أمس رحت لطبيبه ثالثه بس حبيت أتأكد و نفس الوضع

طلع عندي نشاط عالي في التبويض و هالأوجاع بسببها

قالت لي الطبيبه ما تخافين من شيء بالعكس هذا دليل أنه أعضائك التناسليه سليمه و طبيعيه

و النشاط هذا بسبب نوع أكلك و شربك و طبيعة جسمك و نفسيتك و من هالكلام

و قالت مافي علاج لحالتك لأنها أساساً مو مشكله على العكس بس قالت خذي بالك من

الحمل ممكن تحملين بإي لحظه حتى لو أنتي في فترة أمان

وقالت لي سوي أكثر من طريقه للمنع لا تعتمدين طريقه وحده

اللولب قالت لي ما ينفع في حالتك راح يفشل ويحصل حمل لو أنتي مركبه أفضل نوع

و الحبوب قالت كمان لو تنسين حبه وحده أو تأخرينها عن وقتها ممكن يحصل حمل بسرعه

أنا أخذ حبوب ديان 35 صرفتها لي طبيبتي بعد الولاده و قالت لي هذي الطبيبه ديان ممتازه

جداً و قويه و مالها أعراض جانبيه زي باقي الحبوب قالت لي أستمر عليها ومعها عزل أو واقي

أو حلقه الخاتم اللي تركبها المرأه أو لصقه الحمل قالت لي أختاري أحد هالطرق هذي

العزل أحس صعب جداً و الواقي كمان أحسه مو زين أيش رأيكم باللصقات اللي جربتها

أو الخاتم و من

مرت بحالتي و حصل حمل بأكثر من جنين

لأن كل الطبيبات اللي رحت لهم قالو لي لو حملتي ومعك هالنشاط راح يكونون أكثر من جنين ممكن

أثنين أو حتى ثلاثه

و أنا يا بنات سبق وحملت توأم الله يسعدكم طمنوني حدي قلقانه

أنا لسى حديثة ولاده ولدي عمره ثلاث شهور و معي أربعه الله يخليهم لي و عمري 26 سنه

من لما كان عمري 17 و أنا حمل وولاده و أطفال ومسؤليه

تعبت شوي ودي أرتاح و أطول هالمره خاصه إني أسوي جلسات تكسير لدهون ودي أفرح

بجسمي و بشكلي شوي



لو حملت ثانيه و بسرعه و كانو أكثر من جنين كيف راح أتحمل خايفه مره

كل مره أحمل فيها الناس تنجن و تتكلم ليش أحمل و عيالها لسى صغار و من هالكلام اللي

الحمد لله ما يأثر فيني لكن يأثر جداً بزوجي لأنه أنسان يخشى العين و يداريها كثير

مدري كيف أوصف لكم أحساسي بالقلق لكن الله يسعد اللي تطمني لو مرت بحالتي

ولا تنسوني من خالص دعواتكم