بنات الله يسعدكم ساعدوني محتاره عندي عزيمه

هلا وغلا خيييتو
اولا السبرينغ رول افضل تسلقي الدجاج بعدها تعملي مسحب
والصواني قسميهم حبيبتي بصحون على عدد المعازيم وعندك صينية كورات البطاطا حدها لذيذة وشهية
وصينية الكروسان السادة احشيه دجاج مسحب مع المشروم والجزر واحشي الكروسان وحطي بالبريكس وعالوجه صبي كريمة حدها لذيذة ودخليها الفرن
والبيتزا اعملي العجين اول ماتصحي احسن انا افضلها تازجة مااحبها مفرزة والصواني جهزي اغراضك وصحونك وكلاصاتك قبل بيوم عشان لاتنعجقي فيهم وسوي حلا والعصاير قبل بليلة وحطيهم بثلاجة
واي سؤال انا حاضرة

الله يسعدك ماقصرتي مشكوره يعطيك ألف عافيه

كول سلوو بالناتشوووز
المقادير:

نص كرنب ابيض مقطع بالطول وممكن كرنب بنفسجي

جزره ونص مبشوره

علبه ذره صغيره


لصوص:


تقريبا كوب او اقل شوي مايونيز

ملعقه ونص ماستارد

ملعقتين خل

شوية من الصوص البرتقالي رنش اختياري
سكر حسب الرغبه بين ملعقه كبيره الى 3 ملاعق (ممكن سكر ابيض او بني)

ملعقه ونص ماي


لتزيين:


ناتشوز دوريتوز الازرق




او


ناتشوز نايس البرتقالي


الطريقه:


نخلط الكرنب والجزر و الذره

نخلط مقادير الصوص جيدا

يصب عالخضار ويقلب


يزين بالناتشوز








وبالعافيه


;**

الكروسان بحشوة الدجاج والكريمة


المقادير :

- صدرين دجآج (موشرط منطقة الصدر حسب رغبتج)
- جزره وحده
- بصله وحده
- فلفله خضره
- رشة من
-10 كرواسونات ساده من الفيصل
- جبن موزاريلا
- كريمه حمراء (كريمة الخفق)

نقص البصل لمربعات صغيره حيل ،
و الجزر نقصه بالطول وضعيف ،
والفلفل الاخضر طوآلي وضعيف

و تجيبين دجآجه مطبوخه وخالصه وجاهزه وتقطعين الكثر اللي تبونه حسب الاشخاص


نآخذ مقله و نحمس فيها البصل أول شي ، بعدين الفلفل الاخضر
ويا الجزر و نرش رشة ملح وفلفل اسود وشوية بهارات

ونقط الدجاج المقطع عليهم ونحمسهم عدل بس لآيحترقون دربآلك

بعدين نجيب الكرواسون ونقص الكرواسونـه الوحده إلى قطعتين .. يعني نقصها بالنص

و تكون عندنا قطع كثيره ، تجويف الكرواسون بأيدكم أو بأي أداة حاولوآ تضغطون عليه وتلصقونه
بجدار الكرواسووونه يعني من داخل تكون شوي فاضيه مو حيل نخلي مكان للحشوه




ندخل بكل حبة كرواسون قصيناها شوي من حشوتنا الي سويناها




بعدين نصفهم على طبق بآيركس



ونكب فوقهم كريمه حمرآ كامله

بعدين نرش فوق كل قطعة كرواسون جبن موزاريلا " كثري



ودخلي الفرن لمدة نص ساعه لين تستوي شوي

سلطة الـفــتـــة


المقادير:
2 ك بطاطس مقطعة مربعات صغيرة
2 ك باذنجان مقطعة مربعات صغيرة "القشر ممكن تخلينه << يعتمد على الذوق"
2 ك حمص حب
1 ك خبز مقطع مربعات صغير ومحمص

الصلصة:
1\2 ك طحينية
1\2 ك عصير ليمون
4 م ك مايونيز
1 ك روب "وممكن تزيدين إذا حسيتيها انها جامدة"
2 فص ثوم مهروسة ناعم جدا
ملح ، م م فلفل اسود ، م ص بابريكا

للتزيين : بقدونس مفروم

الطريقة:
قلي كلا من البطاطس والباذنجان والخبز بالزيت كلا على حدى وخليه يتصفى من الزيت ويبرد..
اخلطي الباذنجان والبطاطس والحمص شوي شوي عشان ما يتعجن..

سوي الصلصة:
اخلطي الطحينية والليمون والروب والثوم والملح والفلفل الاسود عدل..
صبي نص الصوص واخلطي المكونات شوي عشان تتشربها..
وبعدين صبي باقي الصلصة على الوجه وقبل التقديم ضيفي الخبز المحمص على الوجه "بنفس الوقت عشان لا يطرى" وزينيه وقدميه وبالعافية ..