عيوشه والله مااعرف اي شيى لاننا اذا ارسلنا حاجه بالدي اتش ال تكون اوراق فقط فما يعذبونا واذا حبينا نرسل اغراض فهو بالبريد العادي لكن مستعجل ومافي اي مشكله ايضآ

هلا عيوووش

معليش تاخرت عليك
بس ماعندي معلومات اكيده لاني ناسيه من زمااااان ما ارسلولي اهلي شيء الحمدالله بديت اعقل خخخخخخخخخخخخخخخ

بس الظاهر ان التوصيل ياخذ 5-7 ايام

واختي جريحة الغربه
ماراح تقصر معانا بيتجيبلنا المعلومات الله يجزاها الجنه وكل من يعز عليها وكل بنات الغربه والمسلمين امين يارب

هلالالالالا عيوش :26:

إعذرريني على التأخير بس والله ما قدرت أفتح النت غير هالحين :06:

بس ماعليه ان شاء الله المعلومات اللي جبتها ترضيك
شوفي يالطيبه الطرود اللي كانت تجي أهلي يرسلونها بالبريد السعودي وطبعا اللي يوصلها هنا البريد الأمريكي يعني بريد بين الدول :arb: >>>> :30:

البريد الممتاز عنده تسعيره ثابته ما تتغير وهي أول نصف كيلو ب 130 ريال :11:

وبعدين كل نصف كيلو بعد كذا ب 20 ريال بس إنهم يقولون لك ياصل من 3 - 5 أيام وإنه يوصل حتى بالويكند ( طلع الطرد اللي وصلني بالويكند بريد ممتاز )

البريد العادي - مسجل طبعا -هذا تسعيرته تعتمد الظاهر على البورصه البريديه الدوليه < < والله ماادري منين جبت هلاسم ههههههههه >> الزبده إنها تتغير كل فتره وفتره بس إنها في الغالب
أول كيلو من 40 -60 ريال
كل كيلو بعدين في الغالب ما يتعدى 20 ريال

مكان البريد بالرياض < والله ما أدري إذ ممنوع بس ما عليه للفائده >
البطحاء - المجمع البريدي
شارع المطار القديم
أمام وزارة الماليه
الطرود البريديه الدور ( _ 1 ) يعني أول دور بالبيسمنت < < عندهم ثلاث أدوار تحت الأرض

عموما جبت لكم رقم تلفونهم بالرياض اللي تبيه أرسله لها على الخاص

الفرق بين العادي الممتاز انه العاادي له أوقات مجدوله يمشي عليها اما البريد الممتاز يطلع على اول رحله طالعه

ملاحظاتِ على الموضوع < صدقت نفسها الاخت >

- البريد العادي المسجل أحسن لأنه مافي فرق طويل بلأيام إلا إذا في أشياء ضروريه ومستعجله < مثل ثوب وشماغ وليدي حق العيد ههههههههههه >

يروح الطرد للبريد من يوم السبت علشان يستفيد من الويكندات ( حلوه ويكندات ) المختلفه بين الدول

ما يكون بالطرد حاجه فيها بطاريات << مثل سيارة ولدي كأن هنا مافي سيارات - الله يجزاها خير ميمتي

التأكد من العنوان لان العنوان إذا غلط يرجع الطرد وإذا كان ناقص لو رقم البيت يغرمونك البريد هنا فلوس حق إنك أبلشتهم يدورون عليك ههههههههههه << كل هالمواقف صايرتن لها
وش بقىىىىىىىىىىىىىى < يا كثر قرقتس >
إذ تذكرت شئ رجعت لكم < أقول مع السلامه
أي سؤال أنا بالخدمه :41:

هلالالالالا ساندوتش تونه :26:

جزاك الله خير على الدعوه الطيبه - أجمعين إن شاء الله :27:

أتمنى إن المعلومات تفيدكم

وأي سؤال أنا بالخدمه :27:

ماشاء الله عليكي جريحه الغربه شكرا على العنوان.
جزاك الله كل خير..