بنات الله يسعدكم ممكن حل لمشكلتي اتمنى الرد على كلامي

السلام عليكم ورحمة الله وبركاته ارجو المساعده يااخواتي الاعزاء في حل مشكلة طلاقي
سأطرحها عليكم..
انا تزوجت واحد كاذب اكتشفت كل كذبه لمن عشت معاه كذب في عمره انا عمري لسع في العشرينات وهوه عمره قرابة عمر ابوي يعني كبير حوالي ( ٤٥ ) وهوه قال عمره حوالي33 سنه وكذب بحكاية قلبه مسوي عملية قلب ودي بتاثر في العلاقه الحميمه بالنسبه لي انا وقت ماصار عقد القران احنا صارحناهم بكل شي يخصني بس اهله وهو كذبو في دي الامور وقت ماصار عقد القران انا حطيت ٣شروط وهي ١-مايمنعني من زيارة اهلي او اقاربي .٢-مايمنعني من الوظيفه. ٣-مايمنعني من دراستي ودي كانو في وقتها شهود على الكلام دا وهوه وافق مارفض ولا شرط بس اول ماجيت عنده حكيته اني ابغى اشتغل بوظيفه منعني ولمن ابغى اروح زياره حق اهلي يرفض بعد وحتى دراستي مانعني اني اكملها مع انه دا شرط كان، جلست معاه فقط شهرين كان يعاملني كالحيوانه لا احساس ولا ضمير حتى بالعلاقه الحميمه ياخذ حقه كامل ووعدني بإمور كثيره من ضمنها قال بيسفرني اول مايصير زواجنا بس طلع كاذب بعدين اكتشفت انه عليه ديون سابقه قبل مايجي يخطبني وكان بيتكلم عن اهلي بالذات امي دايما يتكلم عنها بسووء وانا مارضى اي احد يتكلم عن امي ومو بس انا كل الناس مثلي بس هوه زودها معي وانا دحين وصلت معاه لدرجة الكره والبغض انا جلست معاه شهرين فقط بعد وقت رحت عند اهلي على اساس زياره بعدين فكرت وخلاص ماعد صرت اطيقه بحياتي وقلتله انا ماعد بتحمل تصرفك معي ولا عاد ابغاك وبعد كم شهر رحت طلبت دعوة فسخ نكاح حضرة الجلسه وهوه حضرها معي بس القاضي حولنا على جلسة الصلح وكان يبي حكمين من عندي وعنده اجتمعنا وحاولو يصلحون فينا بس انا رافضه خلاص ماعد بقدر اتحمل اشوفو قدامي كرهته بسبب تصرفاته ومعاملته السيئه لي بس المشكله لمن جلسنا نتناقش قال يبي تعويض حق (120)الف شوفو الظالم مايستحق انه ينقال عليه انك رجل يعني ايش الحل معاه انا عايشه على الضمان يادوبك ومابشتغل حتى لو القاضي حكم اني اعطيه العوض ولو نصه من فين بجيبه ورب الكعبه انا وصلت لدرجة الانهيار (ساعدوني ي اخوااتي في الله بحل مشكلتي ارجو المساعده )