السلام عليكم ورحمة الله وبركاته
صراحة حابه اطرح موضوع واشوف ايش رايكم فيه
انا وصديقتي اختلفنا في موضوع ، وهو ان لو احد اهداك شي وكان عندك منه كتير او ما جا تمام عليكي او ما عجبك هل تروحي تعطيه احد تاني غيرك ولا تحتفظي فيه وتخليه للذكرى ع الاقل لانها هديه ولها اكيد اثر في نفسك ؟؟
انا عن نفسي اقول انه لا مرة ما فكرت اعطي حاجه صديقتي او امي او .... الخ اعطتني هي لاي احد مهما يكون
اما صديقتي فرايها تاني تقول انه في حالات خاصه اعطيها احد تاني ، زي مثلا احد اعطاني عطر وعندي عطور كتير اقوم قبل ما افتحه اروح اعطيه احد تاني او بلوزة او اي شي عندي منه اعطيه احد تاني قلتلها لا ما يصير قالت الا اعطيها احد يستفيد منها قلتلها اعطي احد يستفيد ويحتاجها من اغراضك خاصتك مو هديه اعطيتك هي انا او غيري لا ... لان انا او اي احد يعطيك هديه يحب انه يشوفك لابساها او لو كان عطر تحطي منه المهم يشوفك تستخدميه مو اعطيك هو وما اشوفك تستعمليه ابدا كدا بيحز في نفسي وبعرف انك اعطيتيه احد حتى لو ما قلتيلي لان احب اشوفه عليكي ... يعني انا اكون تعبت الين لقيتلك شي حلو ومناسب ومميز وتقومي بكل بساطه تعطيه احد ، قالت طيب تفرحي لما اعطيه احد يستفيد بدل ما يجلس عندي ع الرف ماله داعي :( يعني تعبك ما راح ع الفاضي قلت لا يفضل عندك ع الرف مركون ولا يروح لاحد تاني :( لاني لما جبتها اكون قاصده فيها انها لك انتِ ولو حابه تعطي احد حتاج اعطيه من اللي عندك الفايض واحتفظي بحقي او حق غيري الهديه .... وصارحتني بدبدوب جبتو لها مرة انو اعطتوا احد لان هي مو في حاجته :( قلتلها حتى لو مو في حاجته طبيعي مو في حاجته وانا لما اشتريته كنت عارفه انه مافي اي استعمال له بس جبته وانا ع الطريق واستحليته لك يعني حبيت يكون ذكرى :( يعني لو ما تحتاجيه في شي احتفظي فيه للذكرى ...
ايش رايكم بنات شاركوني وقولولي هل ينفع اعطي احد تاني ولا عيب انا احس انه عيب والله ولو انا تفكيري غلط علموني واقنعوني .. صراحه انا اتضايقت مرة لما عرفت انها اعطت هديتي اللي جبتها لها لاحد تاني ( ما كان في اي مناسبه للهديه بس انا لما اشوف شي حلو استحليه لها او لاي وحده من صحباتي ) يعني صراحه اي احد اعطيه شي ويعطيها لشخص تاني ازعل واتضايق مرة صراحه حتى لو ما قالت انه اعطيتها لاحد تاني انا بحس لانه ما بشوفها لابساها لو شي ينلبس او متعطرة منه لو عطر مو شرط يوميا تستخدمه بس ع الاقل من فترة لفترة ع الاقل احس اني اعنيلها شي كصديقه
ايش رايكم بنات بالله ردوا وقولولي ارائكم ولو انا غلط افكر قولولي ايش الصح وايش الحالات الخاص اللي ممكن اعطي هديه جاتني لغيري ، لان انا افكر انه حتى لو ما حبيت العطر او البلوزة او ساعه او اي شي تاني احتفظ فيه للذكرى ع الاقل ولا ايش رايكم ؟
اسفه اني طولت عليككم بس حبيت اشوف اراء غيري عشان اعرف انا صح ولا هي ولا ايش الصح في القصه ولا فعلا لو في حالات خاصه تعطي فيها الهديه لغيرك ولا ما تعطيها وتحتفظي فيها للذكرى :(
امانه لا تطنشوني وما تردوا ابغى اعرف من تفكر زيي ومن لها راي تاني
الحنونة الطيبة @alhnon_altyb
عضوة جديدة
يلزم عليك تسجيل الدخول أولًا لكتابة تعليق.
فريده عبدالله
•
مرحبا يالحنونه ويبدو ان لكي من اسمك نصيب الموضوع بالنسبه ليه ومن جميع جوانبه صحيح يعني انتي معاكي حق وصديقتك معاها كمان حق يعني في هدا الموضوع الي اشوفه مره بسيط ولايستدعي الاختلاف يتصرف الشخص بحسب نظرته الخاصه اما العاطفيه او العقليه وكلاهما صحيح والسبب لانه لن يتضرر احد وهدا هو المهم وهدي نظريتي في الموضوع واتمنى اني افدتكما وشكرا
حلم وبس
•
بالنسبة لي يعتمد على الهدية والمهدي
بعض الهدايا تتكدس عندي في المناسبات وأنا أدري ما راح استخدمها مثل العطورات
من الأفضل أني أهديها بدل ما أضطر اني اشتري هدايا جديدة
بعض الهدايا تتكدس عندي في المناسبات وأنا أدري ما راح استخدمها مثل العطورات
من الأفضل أني أهديها بدل ما أضطر اني اشتري هدايا جديدة
حسب الشخص اللي قدم لي الهديه
اذا كان عادي وهديته عاديه ومابيها اهديها
بس في حديث عن النبي صلى الله وعليه وسلك ان الهديه لاتهدى ولاتباه او ولاترد
ماتذكر بصراحه وهو صحيح اولا
اذا كان عادي وهديته عاديه ومابيها اهديها
بس في حديث عن النبي صلى الله وعليه وسلك ان الهديه لاتهدى ولاتباه او ولاترد
ماتذكر بصراحه وهو صحيح اولا
الصفحة الأخيرة