كوبونات الراقية تسجيل الدخول

mangoooo
mangoooo •
رروامس رروامس :
الله يوفقك اختي النصوحه والله يعطيكي على قد نيتك يارب بس اذا ممكن كم كلفتك العمليه كامله في المانع ونفس الشي سعد ؟؟ او نفس التكلفه ؟؟ اتوقع ان سعد دبل سعره عن المانع الله يرزقك الحمل يارب
الله يوفقك اختي النصوحه والله يعطيكي على قد نيتك يارب بس اذا ممكن كم كلفتك العمليه كامله في...
اختي النصوحه في البدايه احب اشكرك على تفاعلك مع الكل في الموضوع واتمنى عن قريب تبشرينا بحملك السليم المعافى وبالمثل لجميع الاخوات لاني استفدت منكم كثير

انا مشكلتي مع زوجي عنده العدد قليل وافكر اسوي عملية الانابيب في سعد ,ممكن اعرف اكثر عن الدراسه الجينيه للاجنه؟ ايش فايدتها؟
متى ممكن اسويها؟
كيف خطواتها؟



شكرا:26:
النصوحه
النصوحه •
mangoooo mangoooo :
اختي النصوحه في البدايه احب اشكرك على تفاعلك مع الكل في الموضوع واتمنى عن قريب تبشرينا بحملك السليم المعافى وبالمثل لجميع الاخوات لاني استفدت منكم كثير انا مشكلتي مع زوجي عنده العدد قليل وافكر اسوي عملية الانابيب في سعد ,ممكن اعرف اكثر عن الدراسه الجينيه للاجنه؟ ايش فايدتها؟ متى ممكن اسويها؟ كيف خطواتها؟ شكرا:26:
اختي النصوحه في البدايه احب اشكرك على تفاعلك مع الكل في الموضوع واتمنى عن قريب تبشرينا...
هلا فيك اختي روامس..

بالنسبة للتكلفة الأجمالية تختلف عن مبلغ العملية بالحالة..
العمليه لحالها 15000 ألف..وخذوا على زوجي تقريا 2800 او 3000 ماأذكر بالضبط..وهذي للسحب من الخصية لأن زوجي من اصحاب الصفر..

وهذا غير الكشفيات خلال فترة التبويض وزوجك لازم يروح اخصائي ذكورة ولاتنسين التحاليل اللي يطلبونها..

يعني تقريبا 20000 الف بس الأكيد مو اقل من كذا..

اما في المانع تقريبا كلفتنا 16000 الف مع كل اللي ذكرته من قبل ..يعني اجمالي المبلغ ..ولكن العملية بالحالها 11000 الف ريال..

والمبلغ اللي اعطيتك اياه كله بدون أبر التنشيط والأدوية اللي قبل العملية وبعد عملية الترجيع..

يعني بصراحة هالعمليات تقص الظهر :44:
دعواتي لك بالتوفيق وربي يرزقك الذرية الصالحة المعافى







تسلمين عزيزتي مانجو..على كلامك الطيب والله يرزقك بالمثل يارب..

اذا كنتي بتسوينها اول مره ماتحتاجين الدراسة الجينية لأن هذي الدراسة غالبا يسوونها بعد3 أو 4 محاولات فاشلة..

او في حال انكم متأكدين ان عندكم امراض وراثية بالعيله سواء من جهتك او جهة زوجك..

والدراسة باختصار هي:

انهم بعد مايتم تنشيط بويضاتك وبعدها يتم سحبهم..راح ياخذون عينة من زوجك ويلقحون البويضات بالحيوانات المنوية وينتظرون 72 ساعة واذا تم التخصيب ياخذون هذي البويضات المخصبة ويدخلون فيها ابرة رفيعة جدا ويسحبون من النواة الدخلية ويسوون عليها دراسة بحيث ان البويضات التي تم دراستها ماتتأثر ومن الممكن يتم ترجيعها لك بعد التأكد من خلوها من الأمراض الوراثية او التشوهات..

اتمنى انك فهمتي علي..
والله يوفقك ويرزقك الحمل السليم التام يارب

وتكفون يابنات اي سؤال لاتتردون في طرحه هنا وخصوصا اذا كانت تجربتكم الأولى وتأكدو ان البنات ماراح يقصرون معكم..مهم جدا تكونوا على بينة بالخطوات لأن بعض الأطباء الله يهديهم يستغلون حاجتنا لطفل ويستغلون جهلنا..
النصوحه
النصوحه •
اختنا الغالية(اشتقت لطفلي)

ان شاءالله غيابك عنا خير ويارب تكوني حامل وتجي تبشرينا ..
مازلنا ننتظر..؟
رابعة احمد
رابعة احمد •
النصوحه النصوحه :
اختنا الغالية(اشتقت لطفلي) ان شاءالله غيابك عنا خير ويارب تكوني حامل وتجي تبشرينا .. مازلنا ننتظر..؟
اختنا الغالية(اشتقت لطفلي) ان شاءالله غيابك عنا خير ويارب تكوني حامل وتجي تبشرينا .. مازلنا...
دعواتي لك يالنصوحة بالفرج القريب يارب ياكريم وجميع المشاركات معنا .
الثريا المشعة
الثريا المشعة •
أسأل الله في هذا اليوم الجمعة أن يرزقكم الذرية الصالحة