بنات الله يعافيكم أنا متوهقة جد أبي قصيدة بين الماضي والحاضر

للرفع

جزاتس الله خير

تفضلي أختي ..

وجدتها بعد البحث..ولا أعلم إن كانت صحيحة هكذا أو لا..

بين الماضي وبين الحاضر يالله نسمع يالله ناظر
وقت ماضي وقت عابر نستانس نرضي الخاطر
نتكلم عن الاعياد وشي عادات الأجداد
نبغا الفرحه والاسعاد نبغاها لكل الاجواد
الجدة : عجايب والله عجايب طبع شين وطبع خايب
هبت علينا هبايب وين الحياء اصبح غايب
البنت: وش فينا قولي وش فينا ياعجوز عيرتينا
طبعنا روعه وش زينه قديمه ماتفهمينه
الجدة : انا وان كنت القديمه انا اللي علي القيمة
انثبري ياذا الغشيمه يالخبله ماعندس شيمة
البنت: حنا بنات الجمال كلنا حسن ودلال
البدر صرخ وقال جمالك وصل الكمال
الجدة : وين الديرم وين الحنا والكحلة يالله الجنه
طبع فيكن خربتنه زين فيكن لطختنه
البنت: لبسي زين ولي قصّات في القصر بالمنصات
وانتم ماغير منتصات في مصباح مرتصات
الجدة : اول كلن جايب عيده يتفاخر لابس جديدية
عيد عسى الله يعيده افراحه عنكم بعيده
البنت: انتم في جوع وحرمان حنا اشكال والوان
محشيه مع كوروسان اكلات طعمها جنان
الجدة : بنات ماتستحون ثوب ضيق تلبسون
شامواه او بنطلون بنات ماتستحون
البنت: مادري من حسني منبهره او من جمالي منقهره
او من لبسي ولا من عطري انا البدر ضوا بدره
الجدة : انت ياوجه ابن فهره ماعاد الا انت يالكسرة
طبعي زين وبه مشتهره واظن انت اللي منقهره
البنت: اخطيت وذي حبة راس انت الاولى والاساس
اسمعوا ياكل الناس هن البركه بين الناس

وإن كنت أفضل استخدام الفصحى في المحافل ..لما في ذلك من فوائد لاتخفى..
وفقتم..

شموع العزة لاااااااااااااااااااااااااااااااحرمتك

جزيت الجناااااااااااان و(((تعبتك معي يالغالية))) :)

الحفل تم وكاااان رااااائع والفقرة نالت اعجاب الجميع ولله الحمد
طبعا القصيدة قيلت بتصرف (تم حذف المقاطع الأخيرة لعدم مناسبتها)
واستخدامنا العامية لأن الحفل كان /يوم شعبي/ لكسر الروتين و(علشان الأمهات ينسطون) ويأخذون نصيبهم من البرامج..
لاعدمتك أختا ناصحة محبة