بنات الله يعافيكم اريد حل لبنتى

اختي بنتك اذا من الان بدت سمنتها ضروووري تعرضينها على اخصائي يعطيكم برنامج تمشي عليه طول عمرها ان شاء الله.. انا بنت اختي نفس الشي .. واحرصي تودينها باقرب فرصه لان زي ما تعرفين هي طفله وما ودك تتعرض لسخريه من اي كان..
الله يوفقكم..

مشكوووورة حبيبتى على ردج ومرورج يا اختى جذابة:26:

بس والله ضايق صدرى من هالموضوع وخاصة انها ماتهتم بشنو تاكل

اذا قلت لها مثلا هذى الاكلة تمتن زيادة تصر على اكلها وتلح الين تاكلها

وانا خايفة عليها لانها تمتن بشكل سريع :confused: :44:

دبرونى خواتى شسوى ؟؟؟

الاخت الحب للحب.....
انا حاسه بمشكلت بنتج لاني انا كنت وايد متينه يوم كنت صغيره.....واطباء التغذيه حاولو معاي لاكن ماكو فايده المهم اني ضعفت نفسي لما دخلت الجامعه....ولما اشوف صوري وانا صغيره ما اصدق اني كنت جذيه.... المهم انا عندي نصايح تتبعينها مع بنتج ....
1_ تعرضينها على دكتور يسوسلها فحوصات للتاكد انه سمنتها من الاكل الزايد بس مو من اي اضطراب هرموني لاسمح الله.... وخاليه من اي مرض...
2_ اتبعي مع العايله نظام عذائي صحي يعني ابتعدي عن السمن لانه مضر للعايله كلها وقللي من الزيوت في الاكل .
3_عوديهم عل الشوربه قبل الاكل بس شوربه من غير كريمه او اي دسم... وركزي على السلطه والفواكه.
4_ اذا كان في البيت اي مشروبات غازيه او حلاوه او شبس ابعديه نهائيا ولا تعطينه لهم الا في المناسبات وبين او في الاسبوع مره ....حتى الكيك ممكن اسوينه في البيت وتقللين السكر فيه .
4_ كل المنتوجات الغذائيه من حليب او غيرها حاولي انها تكون قليلة الدسم للعايله كلها مو بس لبنتج لانه اصح ولها نفس القيمه الغذائيه...
5_ واهم شي خلي بنتج تبذل جهد بدني يعني اذا ممكن تشترك في نادي صحي او ابسط شي خليها تتحرك وايد معاج وشجعيها تساعدج في البيت ولا تجلس لساعات امام التلفزيون لان اثبت انه سبب رئسى للسمنه عند الاطفال..
واهم شى ما تحسسينها انها في مشكله خلي الامر طبيعي وان ساء بتخسر وزن اذا مو الحين لما تكبر بتفهم وبسوي رجيم من غير ما احد يقولها... المهم تكون بصحه سليمه والله يخليلج اياها...

ام لميا مشكووووووووووووووورة غناتى على الرد الحلو واسفة على التاخير

والله يعطيج العافية وينولج اللى فى بالج:24: :26: