في البداية اشكر كل اللي اخذت من وقتهم ودخلوا الموضوع
بنات هالدواء شافته امي مع وحده تمدح فيه مررره
وشافت بنفس الجلسة وحده لها مده تستعمله وفايدته انه نزل وزنها ونظف جسمها
من السموم والفضلات وانتم بكرامة اللي ما تطلع بسهوله من الجسم وتتراكم في
الامعاء وصارت بشرتها مرة صافيه عن الاول وحتى جسمها تقول راحت الحبوب اللي فيه
واللي الظاهر كانت طالعة من تراكم السموم في جسمها وتقول انها كانت تعاني من
الخمول والتعب الدائم وحيلها دائما مهدود وبعد ما استعملتها
ونزل وزنها وصارت بشرتها صافيه من الحبوب اللي كانت فيه تقول صرت احس
براحه واحس اني خفيفة وصرت نشيطة وراح الخمول مني بعد ما نظف جسمي
وطلعت الفضلات اللاصقة فيه واللي ما تطلع مع الافراز اليومي العادي (يمكن كان
عندها امساك او طبيعتها ما تروح الحمام كثير ومع الوقت تجمعت الله اعلم) لأن امي هي اللي شافتها انا للأمانه لاشفتها قبل ولا بعد
المهم ما اطول عليكم امي اليوم جابت عينه لي وعينة لها عشان نجربها هي تبيها لوزنها
وانا عشان انزل الوزن شوي وانظف جسمي لأني اعاني من امساك شديد والهضم عندي مرة بطييييئ لدرجة
صار يسبب لي خمووووول فظييع وتعب دائم ومره انبسطت لما لقيت شئ طبيعي
بس لما عرفت ان الماركة اندونيسية ومع انها مكتوب عليها بالانجليزي انها مصرحة
من الFDA بس ما ادري خفت لأني قد قريت فالمنتدى بنات استخدموا حبوب مدري
خلطة طبيعيةاندونيسيةعلى شكل كبسول وانه في ناس تعبوا مرة وضرتهم لدرجة
وحده دخلت المستشفى منها وكشفوا عليها وقالوا ان السبب دود في جسمها
واستغربوا من وين جاها اذا من الاكل ؟او انها اكلت شئ من برا البيت؟؟
لكنها قالت ابد انا استخدمت هالكبسولات ولما كشفوا على الكبسول لقوا داخلها بيض ديدان
بحيث لما تاكلها الوحده تنفتح في المعده وتفقس البيض وتصير هالديدان تأكل الاكل
اللي تاكله الحرمه وتتغذى عليه والحرمة ما تستفيد من اكلها الا القليييل فلذلك
تنحف لأن الديدان مستلمة اكلها فبصراحة خفت تكون هالحبوب اللي جابتها امي
اليوم انها تكون تشبهها اذا ما كانت هي نفسها
فقلت لأمي استني لا تستخدمينها بسأل بنات المنتدى اول وأشوف وش يقولون,
العلبة عبارة عن كيس موجود فيه 30 حبة كل يوم ناخذ 3حبات قبل النوم لمدة عشرة ايام
ومكتوب على العلبة لايحتوي على مواد كيميائية وانها حلاااال
واسم الماركة(( MERIT ))
وعلى جانب الكيس من اعلى على الجهة اليسار مكتوب jamu فتذكرت ماركة
الشاهي الاخضر المعروف اللي حتى من فترة طويلة شفت الشركة لها اعلان على
المنتدى هنا وهي شركة الزحيفي والشاهي اسمه (( جــامو تي)) وسبق استخدمته
مع رجيم ونفع اطمأنيت شوي بس رجع لي الشك مره ثانية قلت ماراح استخدمه الا
لما يطمنوني البنات
وأسفل الكيس مكتوب اسم الموقع حقهم
www.sari-sehat.com
والكيس صغير 500غرام ومسحوب منه الهواء فصاير قاسي شوي ولاصق بالحبوب اللي داخله
فراح احط صورته وشوفوا الله يعافيكم اسألوا وجاوبوني واي وحده استخدمته تقول
لي بالتفصيل الممل وش صار معها من اعراض ومده الاستخدام وكم نزلت وهل
استخدمت اكثر من كيس..الخ
وان شاء الله نستفيد كلنا من الموضوع سواء طلع زين ومدحوه تعرفون هالمنتج وتجربونه وتدعون لي :D
وان طلع مضر اكون نبهتكم منه وساعدنا بعض بدفع الضرر والمرض عن بعضنا
بس اهم شئ لا تطنشون الموضوع انتظركم وكل شوي بأمر واشوف في احد عبرني ولاّ لأ؟؟
يالله في امان الله وحفظه
الكيس من الخارج
وشكل الحبوب كنت احسبها كبسولات بس طلعت حبوووووب مضغوطة مثل الادوية العادية ولونها بــني غامق
