بنات الله يعافيكم قولوا لي من الغلط انا والا زوجي والله ان ضااايق صدري

السلام عليكم
بنات هالفتره دااايم مشاكل بيني وبين زوجي ولاني عارفه السبب والخطأ بالضبط من من ؟؟ لذالك رح اقول لكم بعض المواقف الي صارت
قبل فتره صديقتي والد وجابنت بنوته قلت لااازم طبعا اروح بهديه وقلت لزوجي ظل يهذر مو عاجبنه الموضوع ويقول هم بخلا وانا اقوله البنت عشرة سنين معاها وغير كذا لما ولدت جابت لي هديه المهم كل مره اروح السوق وانوي اشتري لها يطلع لي اي شي بس عشان يسد نفسي اني اشتري وانا من النوع الي اذا الشي الي بيه فيه هذره خلااص تنسد نفسي منه المهم للحين ماشريت لها بسبب الحجج الي يجيبها مع ان صار لها الحين ثلاث شهور .. قبل فتره قلت له خلاص يقدم على شغاله وبخليها تشتغل في بيت اهلي لان امي بحاجتها وهو كاان موافق ولما قلت له خلاص عن اقتناع الا هو جاب لي الف حجه وعذرر ماخلى شي ماقاله وانا اتناقش معاه الى ان صار نقاشنا حاااااااد الى ان كرهت هالموضوع .. خلال هالايام صار موقف لي حلو من زوجة اخو زوجي وحبيت اني ابادلها الشي بهديه فقلت له الا نفس الشي عصب لييش وماله داعي والشي اصلا في وجهي حاابه ارد لها الشي لان الي سوته احرجني بطيبتها وحابه ارجع لها هالشي الي عطتني اياه بهديه لكنه نفس الشي سوى لي سااالفه والله وكنت بشتري لها عطر لانها كانت تدور على عطر ريحته حلوه فكان معاي الا يقترح علي عطر مااعجبني ريحته وبسرعه راحت اصلا وسعره رخيص قلت له الحين ارد لها بشي مو حلو وانا عاارفتها مارح يعجبها وهو مكشر وجهه ولا عاحبنه كلامي رغم ان عندي فلوس كفايه غير كذا عمري مامنعته من شي يبي يسويه مثلا ابوه دايم يطلب منه فلوس واحيانا مايكون موجود الا مبلغ بسيط فيعطيه لكني ما امنعه ابد طالما هو مرتاح وكذالك احيانا يعطي اخوانه واخواته واحيانا يسلف اصحابه ما امنعه طالما ان هالشي مرتاح منه بس ليش انا يتعامل معاي بهالطريقه مع ان بنات والشي في وجهي لو اني حابه ارجع جميل وحده ومعروف سوته لي مافيها شي لكنه يسوي لي سااالفه ... خلال هالايام وانا نازله من السياره راجعه البيت حولت قبل زوجي وكانت بنتي الصغيره (سنه و10 شهور ) تمشي قدامي لانها مااتحب احد يحملها وتظل تحووس تبي تطيح نفسها من كتفي فاخليها تمشي على درج البيت وانا راكبه لكني طبعا منتبهه لها لاني وراها الا شافني وجا معصب ليش ماتحملينها ؟؟:( قلت له لانها ماااترضى وتحوس وبعدين انا منتبهه لها وغير كذا المفروض انها تتعلم عشان لا تخااف الا عصب ولاعجبه كلامي وظل يهذر وانا مو مقتنعه بكلامه وصار نقاش حاد ... بنات هالفتره دااايم معصبه من تصرفاته وتفكيره صاير يدخل في كل شي ويمانع اي شي ابي اسويه رغم انه مش بخيل لكن دايم نتعارض في النقاش بالذذات هالفتره والله اني جدددا تعبانه ولاحاسه بمشاعري تجاهه من تصرفاته والفاظه الي دايم حتى في سوالفه معاي لو سالته يرد علي ياحماره والا ماتفهمين والا بعض الالفاظ الحااده ؟؟؟ مو عااارفه وش اسوي معاه ولاني عارفه بالضبط الخطا من من فينا ؟؟ هل انا عصبيه بزياده والا حقيقي تصرفاته تعصبني ؟؟؟ ياريت بنات تقولون لي من الغلط ؟؟