بنات الله يعافيكم محتاره ابي ارائكم ..

بسم الله الرحمن الرحيم

أولا .. السلام عليكم ورحمة الله وبركاته ..

ثانيا ,, كيفكم وش أخباركم

ثالثا وهو المهم ..
الله يسلمكم انا كان عندي شغاله بالبيت وكرهتها كره لين بعتها بعد عناء طويل
وفرجها الله ورتحت نفسياً لكن بدنياً تعبت ..

المهم حملت وعديت الشهور الاولى واحس اني بديت اتعب تعب ونفسيتي دمار
العيال الله يصلحهم ويخليهم موصلينه معي وطاقين كبدي والشغل أبداً أبداً ماينتهي
واحس اني خلاص مليت وزهقت وتعبت..

المشكله..
كلمت زوجي عن الشغاله قال جبتلك وانتي الي عفتيها وبعتيها (وهو والله كرهي لها غصب
علي خارج ارادتي )
المهم زوجي لو أضغط عليه لان لانه يشوفني تعبانه مره وللمعلوميه انا بي فقر بالدم
وانخفاض بالضغط مستمر فيه حمل ولامافيه عشان كذا انا نحيفه ووجهي اصفر حتى لو مافيه حمل ..

ابي رايكم من ناحيتين
الاولى ..أضغط على زوجي وأجيبها واريح نفسي من شد الاعصاب وخاصه اني من النوع
العصبي مررررره والحار مرررره وماأتحمل وراسي يعورني من كثر ماأعصب واصارخ
ولو اني حساسه مره من ناحية الشغالات وأخاف منهن ..

ثانيا ..مادري تجيني حالات ارحم زوجي واحس اني مكلفه عليه وحنا مشين امورنا والحمد لله
وضعنا المادي لابأس فيه ..
بس ماأدري أنا أصبر على حساب حالتي النفسيه والصحيه ولا اضغط على زوجي ..
حتى قلت نجيب شغاله سيلانكيه ولا بنجلادشيه أرخص للصاريف ,,

وخاصه زوجي يجمع علشان يبني بيت ..
بس ماأدري ولله تعبت وما فيني اتحمل ومقبله على ولاده ونفاس وانتو ابخص بالنفاس ,,
ولا تقولون هذي فترة حمل وتعدي وتهدين
أقولكم بالعكس راح يجي ان شاء الله طفل الله يسهل
ويبي عنايه وتفرغ ولاأنا قادره اوفق بين كل شي وجربتها مع ولدي الي قبل تعبت وعجزت الحق على كل شي ,,

طولت عليكم بس لاتبخلون علي الله يجزاكم الجنه ..