اكيد من الشرقية من الرياض مشوار ..

وم فيه خطورة بالعكس الخط سالك ..

ومجرد تدخلين حدود الامارات تلاقين الخدمات والنظافة والنظام ..

من ناحية المطاعم عندك مطعم شيك شاك بالامارات مول وله فرع بالسعوديه بس صراحه مرا لذيذ وهو مختص للبرجر
لكن اذا تبغي تشتري لاتاخذي برجر مزدوج جدآ كبير وماتقدري تخلصيه ويبيع بطاطس بالجبنه لذيذه
بس حسيت علبه وحده تكفي شخصين احنا اخدنا علبتين وماقدرنا نخلصها اكلنا بس علبه وحده وانا وزوجي

وعندك مطعم فرايدز وله فروع بالسعوديه .. لكن له اطلاله على النافوره الراقصه بدبي مول
وعندو اكل متنوع ممكن تطلبي تشيكن وينقس او تشيكن كيجن سالاد او شوربة بوركلي او باستا دجاج
او دجاج مشوي بالاعشاب مع الرز والخضار او اضلع الباربيكيو تقدر مع حلقات البصل
وغيروو من الاكل والمنيو متنوع وجميل

وعندك مطعم بيت المزه بالداون تاون اعمار بوليفارد انا ماجربتو لكن كان نفسي اجربو
ممكن تطلبي من عندو فتوش و ورق عنب وششبرك و حمص باللحم وكبة دجاج مع صلصة الرمان او فتت حمص
وبطاطا حرة وهذا رقمهم 04420544
وعندهم منيو متنوع
وبيت المزه تطلعيه بالمصعد لانو بفندق اتوقع

وعندك مطعم قصر الهند وعندو فروع كثيره بدبي اتوقع في ابن بطوطه وفي فيستفال سيتي
ممكن تطلبي من عندو برياني و ساموندري راتان ربيان
وعندو قائمة اكل متنوعه

واذا حابه مكان للفطور عندك مطعم زاروب برضو ماجربتو وكان نفسي اجربو
ممكن تطلبي من عندو فول وفلافل مع الصوص الحلو ومنقوشة قشوان
وعندو قائمة منوعه كثيره
موقعو بشارع الشيخ زايد ببرج جميرا الطابق الارضي

وعندك مطعم بي اف تشاينقز بالاماارات مول برضو له فرع بالسعوديه
ويمدحو جمبري ديناميت روووعه سعر الكاسه ب 55
وعندو لحم منغوليا برضو يمدحوووه بس سعرو اتوقع 85 وممكن تطلبي ندولز بالدجاج
وعندو قائمة اكل متنوعه
وموقعو بالامارات مول

وعندك بالنت انواع كثيره من المطاعم بس سوي بحث واقرائي

ومن ناحية التسوق روحي امارات مول ودبي مول رووووووووعه
عن نفسي مااشتريت شي بس كنت اتفرج
لكن مادققت ايش المحلات الموجوده لكن في دفاتر تنحط بالمول بمكان مخصص ومكتوب فيها كل اسماء المحلات الي بالمول

والفنادق انا جربت فندق اكاس ان لكن فندق اقتصادي وبدون افطار
بالبرشاء والحمدلله ارتحت لانو ممنوع دخول الا العووائل ومافيه بار
وله موقف للسيارت مجانآ
موقعو بالبرشاء
لكن زي ماقلتلك فندق اقتصادي وليست 5 نجوم لكن الحمدلله نظيفه واحنا حجزنا غرفه وحده
لكن عند الاوصول كانو مسوين عرض واعطونا جناح كامل بنفس سعر الغرفه الوحده